NDI-ს კვლევის გარეშეც კარგად ვიცით, რომ მთავარი პრობლემა და გამოწვევა უმუშევრობა და სოციალური პრობლემებია, - განუცხადა ჟურნალისტებს პარლამენტის ვიცე-სპიკერმა, ზვიად ძიძიგურმა.
“ჩვენთვისაც, ხელისუფლების მთავარ პრობლემად უმუშევრობა, სოციალური ფონი, მოქალაქეთა დასაქმება ითვლება. ამ მიმართულებით ბევრი გაკეთდა, მაგრამ რა თქმა უნდა, ეს იმას არ ნიშნავს, რომ ღარიბი ქვეყანა უკვე მდიდარი გახდა. ძირითადი გასაკეთებელი წინ არის და ეს არის ჩვენი მთავარი გამოწვევა. ჩვენი მთავარი გამოწვევა არ არის რომელიმე პოლიტიკური ორგანიზაცია და მისი პრეტენზიები - მთავარი გამოწვევა არის პრობლემები, რომელიც არის ქვეყანაში“, - განაცხადა ძიძიგურმა.
NDI-ს კვლევების თანახმად, ყველაზე მნიშვნელოვანი ეროვნული საკითხი გამოკითხულთა უმეტესობისთვის სამუშაო ადგილებია. 35% მიიჩნევს, რომ ყველაზე მნიშვნელოვანი ეროვნული საკითხი არის ფასების ზრდა/ინფლაცია, 30% - სიღარიბეს, 26% - პენსიებს ასახელებს, ხოლო ხუთეულის ბოლოს, ყველაზე მნიშვნელოვან საკითხად საზოგადოება ტერიტორიულ მთლიანობას ასახელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.