„ქართული ოცნების“ ლიდერი გია ვოლსკი NDI - ის მიერ ჩატარებული კვლევის შედეგებს ეხმაურება და აცხადებს, რომ გამოკითხვები რეალური არ არის და NDI - ს ავტორიტეტი საქართველოში არ აქვს.

,,მოულოდნელი ამ გამოკითხვაში არაფერია. უნდა აღინიშნოს, რომ ამ კვლევების მიხედვით 2012 წელს ჩვენ 12% გვქონდა. იმ პერიოდიდან მოყოლებული, არც ერთი რეიტინგული პოლიტიკური გამოკითხვა NDI- ის არ შეიძლება მიღებულ იქნას როგორც რეალური.საკმაოდ სერიოზული ჩრდილი მიადგა NDI-ს, იმის გამო რომ ორგანიზაცია უკვე ათეული წელია ატარებს გამოკითხვას, რომელიც პირდაპირ დაკავშირებულია ,,ნაციონალურ მოძრაობასთან. უკვე რამდენი ხანია ვერ გამოვიდა NDI იმ ჩრდილიდან, რომელიც მიაყენა ამ ორგანიზაციამ მის ავტორიტეტს საქართველოში, თუმცა ის ბევრ დადებით პროგრამას აკეთებს.

გარდა ამისა, რეიტინგული გამოკითხვები ტარდება იმ ადამიანებში, რომელიც აცხადებს, რომ ჩამოყალიბებული აქვს პოზიცია და აუცილებლად მიდიან არჩევნებზე. დიდი ნაწილი ადამიანებისა, რომელიც არ სცემს პასუხს რასაკვირველია, ვერ გამოხატავს თავის პოზიციას და ბევრი ნიუანსია, რომელიც არასგზით არ მოხერხდა, რომ კვლევის მეთოდიკა

ექსპერტებთან შეათანხმონ და ბოლოს და ბოლოს გამოვიდეს NDI იმ მოჯადოებული წრიდან, რომელსაც ჰქვია უავტორიტეტობა და ნდობის სრული დაკარგვა. თვითონაც არ აპირებს ამის გაკეთებას. ვფიქრობ, რომ 2016 წლიდან როდესაც ახალი კონრაქტები გაფორმდება გამოკითხვასთან დაკავშირებით, NDI-ს ეყოფა გონიერება შეკრიბოს და ჩამოაყალიბოს ისეთი სტრუქტურა, რომელიც საზოგადოებაში ისარგებლებს მხარდაჭერითა და ნდობით", - განაცხადა გია ვოლსკიმ.