აჭარის მთავრობის თავმჯდომარემ არჩილ ხაბაძემ აჭარის ფინანსთა და ეკონომიკის მინისტრთან და ქობულეთის მუნიციპალიტეტის ხელმძღვანელ პირებთან ერთად სოფელ ხუცუბანში ალკოჰოლის საწარმო „პარკ გიდა“ და ჩაის დამამზადებელი საწარმო „ემირი“დაათვალიერა.


როგორც guardian.ge-ს ქობულეთის მუნიციპალიტეტის გამგეობიდან აცნობეს, ალკოჰოლის საწარმოში პირველ ეტაპზე არაყს, ვისკის და ჯინის აწარმოებენ. სამომავლოდ დაგეგმილია ლიქიორებისა და ნახევრადალკოჰოლური სასმელების რეალიზაცია. სადღეისოდ, ობიექტზე 40-45 ადამინია დასაქმებული, მათი რაოდენობა კი მომავალში 130-150 მდე გაიზრდება.


ჩაის საწარმოში ადგილობრივი ჩაის ნახევარფაბრიკატების მიღებას ახდენენ, ამუშავებენ და აფასოვებენ. პროდუციის ექსპორტი მონღოლეთსა და რუსეთში ხორციელდება.