საპარლამენტო ფრაქცია ”თავისუფალი დემოკრატების” ხელმძღვანელი ირაკლი ჩიქოვანი არჩევნების დანიშვნის თაობაზე მიმდინარე პროცესებს ეხმიანება. მისი შეფასებით, არჩევნების დანიშვის თაობაზე მთავრობის მიერ პრეზიდენტის განკარგულებაზე უარის თქმა, სახელისუფლო შტოების არაკოორდინირებულ მუშაობას ადასტურებს.
ჩიქოვანის განცხადებით, პრემიერ-მინისტრის გადაწყვეტილება, რომელიც დღეს მთავრობის სხდომაზე გაჟღერდა, ე.წ. სამართლებრივი კაზუსის გამოსწორების მცედელობაა.
რეალურად კი, დეპუტატის თქმით, პრეზიდენტის განკარგულების გამოქვეყნება და წინასაარჩევნო რეჟიმის გამოცხადება, შეზღუდავდა ხელისუფლებას, განეხორციელება ის, რასაც შეიძლება ამომრჩევლის განწყობაზე მოეხდინა ზემოქმედება.
”ამის მიუხედავად, როცა არ უნდა გამოცხადდეს წინასაარჩევნო კამპანია, ამომრჩეველი გადაწყვეტილებას მაინც იმ პრობლემების გათვალისწინებით მიიღებს, რომელიც ქვეყანაში ბოლო წლების განმავლობაში დაგროვდა. ეს ბოლო რამდენიმე წელი კი დაკავშირებულია მხოლოდ და მხოლოდ უმოქმედობასთან ”, - განაცხადა ირაკლი ჩიქოვანმა.
პრემიერ-მინისტრი გიორგი კვირიკაშვილი არჩევნების თარიღთან დაკავშირებულ განკარგულებას პრეზიდენტს მოტივირებული შენიშვნებით უკან უგზავნის.
პრემიერ-მინისტრმა მთავრობის დღევანდელ სხდომაზე განაცხადა, რომ წინასაარჩევნო პერიოდად აღებული უნდა იყოს 3 თვე. შესაბამისად, მისი აზრით, უმჯობესი იქნება, თუკი პრეზიდენტი არჩევნებთან დაკავშირებულ განკარგულებას 8 ივლისს გამოაქვეყნებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.