”რესპუბლიკური პარტიის” ერთ-ერთი ლიდერი დავით ბერძენიშვილი არჩევნებთან დაკავშირებით ახალი განკარგულების მაისში გამოცემასთან დაკავშირებით პრეზიდენტის განცხადებას აფასებს და ამბობს, რომ  ის "არ არის შექმნილი პოლიტიკური ვითარების ადეკვატური".


”პრეზიდენტის განცხადება, რომ რადგან ახლა მას უნდა და არ დათანხმდნენ, მაშინ მაისში გამოსცემს აქტს - ღიმილისმომგვრელია, რადგან თუ მაისში გამოცემულ აქტს პრემიერი არ დაეთანხმება და ხელს არ მოუწერს, ანუ თუ არ მოხდება კონტრასიგნაცია, რა სიტყვაც ახლა ძალიან პოპულარულია, მაშინ უკვე პრეზიდენტს აღარ ექნება უფლება ახალი განკარგულება მინიმუმ 6 თვის ვადაში გამოსცეს. პრეზიდენტის ფუჭი, ყალბი გასროლა ვის ემუქრება, მაინც ვერ გავიგე. პრეზიდენტის ეს განცხადება არ არის შექმნილი პოლიტიკური ვითარების ადეკვატური”, - განაცხადა ბერძენიშვილმა.


ამასთან, დეპუტატის თქმთ,   მარტში, აპრილში ან თუნდაც მაისში პრეზიდენტის განკარგულების  ძალაში შესვლა    მედიასაშუალეებს პრობლემებს შეუქმნიდა, ეს არ იქნებოდა კარგი საზოგადოებისადა მედიასაშუალებებისთვის, რადგან მხოლოდ არჩევნები არ არის ჩვენი ცხოვრება.


„ფინანსური თვალსაზრისით აპრილში, მაისში,  ივნისში, ივლისში საოლქო საარჩევნო კომისისებში პარტიები დანიშნავდენენ მაღალანაზღაურებად თანამშრომლებს, რომლებსაც საქმე არ ექნებოდათ, ამიტომ ეს დამატებითი ფინანასური ტვირთი იქნებოდა. ბიუჯეტიდან მილიონები უნდა წასულიყო იმ საქმეზე, რომელიც გასაკეთებელი ვერ იქნებოდა“, - აცხადებს დავით  ბერძენიშვილი.


საქართველოს პრეზიდენტი არჩევნების თარიღთან დაკავშირებით ახალ განკარგულებას მაისის დასაწყისში გამოსცემს. როგორც პრეზიდენტმა ჟურნალისტებს განუცხადა, მთავრობამ ის დაარწმუნა, რომ არჩევნების 60 დღემდე ადრე გამოცხადება ქვეყანას ფინანსურად დაანგრევდა თუმცა ”აღმოჩნდა, რომ ეს ასე არ არის და თურმე შეიძლება ის უფრო ადრეც დაინიშნოს”.