დედა ენის დღესთან დაკავშირებით, ხონის ადგილობრივი ხელისუფლების წარმომადგენლები და საჯარო მოხელეები პროექტის „სოფლის ბიბლიოთეკის ახალი სიცოცხლის“ ფარგლებში სოფელ კინჩხის ბიბლიოთეკას ესტუმრნენ და საჩუქრად 80-მდე წიგნი გადასცეს. ამის შესახებ guardian.ge-ს ხონის მუნიციპალიტეტის გამგეობიდან აცნობეს.


ამჯერად აქციას გამომცემლობა „საუნჯე“, თავდაცვის სამინისტრო (ნათია ტრაპაიძე) და მწერალი ლადო კილასონია შეუერთდნენ.


აქციის ორგანიზატორების განცხადებით, ხონის მუნიციპალიტეტში განსაკუთრებით დიდი ყურადღება ექცევა წიგნიერების განვითარებას. პროექტი „სოფლის ბიბლიოთეკის ახალი სიცოცხლე“ რამდენიმე თვეა ხორციელდება და დიდია მხარდაჭერა საზოგადოების ყველა ფენის წარმომადგენლებისაგან.


მწერლები, პოეტები, გამომცემლობები, სამინისტროები, მოსწავლეები, პედაგოგები, უბრალო მოქალაქეები ერთხმად შეუერთდნენ აქციას და მომდევნო თვეების გეგმაც უკვე გაწერლია. წლის ბოლომდე პროექტი ხონის სოფლებში არსებულ ყველა ბიბლიოთეკას მოიცავს.