რუსეთის საგარეო საქმეთა მინისტრი გრიგორი კარასინი, სახელმწიფო დუმაში ე.წ. შეთანხმების რატიფიცირების საკითხის განხილვისას პოზიციას ღიად აფიქსირებს: „რუსეთისა და „სამხრეთ ოსეთის“ შეთანხმება „სახელმწიფო საზღვრის“ შესახებ რუსულ ინტერესებს სრულად შეესაბამება, - აცხადებს კარასინი და აღნიშნავს, რომ მოლაპარაკებების პროცესი 2010 წლიდან მიმდინარეობდა, რა დროსაც მოხდა ე.წ. საზღვრის 74-კილომეტრიანი მონაკვეთის დელიმიტაცია.
„ერთობლივ სამუშაოში დავეფუძნეთ ადმინისტრაციულ-ტერიტორიულ საზღვარს, რომელიც საბჭოთა კავშირის დაშლის მომენტში, რუსეთის საბჭოთა ფედერაციულ სოციალისტურ რესპუბლიკასა და საქართველოს საბჭოთა სოციალისტურ რესპუბლიკას შორის არსებობდა“, - განაცხადა გრიგორი კარასინმა.
მისი თქმით, აღნიშნული დოკუმენტის რატიფიცირება საშუალებას მისცემს რუსეთს, „დაიწყოს სამხრეთ ოსეთთან საზღვრის დემარკაციის პროცესი“.
დოკუმენტს გასული წლის 18 თებერვალს მოეწერა ხელი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.