„ბიძინა ივანიშვილის ფაქტორი ქართულ პოლიტიკაში ძალიან მნიშვნელოვანია“ - აღნიშნული განცხადება პრემიერ-მინისტრმა, გიორგი კვირიკაშვილა მედიის წარმომადგენლებთან შეხვედრისას გააკეთა.
„მე მასთან მაქვს ძალიან ნორმალური, კონსტრუქციული ურთიერთობა. ბიძინა ივანიშვილმა ძალიან ბევრი გააკეთა და ვფიქრობ, რომ კიდევ არაერთ სასიკეთო საქმეს გააკეთებს. მე მასთან ყოველთვის ღია და გულწრფელი ურთიერთობა მქონდა. არასოდეს არ ვერიდებოდი მასთან დებატებს, არაერთ საკითხზე მქონია ძალიან მწვავე კამათიც, აღნიშნული კი უარყოფითად არასდროს ყოფილა მიღებული მისი მხრიდან. არაფერია დასამალი იმაში, რომ ჩემი კანდიდატურის წარდგენის ინიციატივა ბიძინა ივანიშვილს ეკუთვნოდა. ეს ყველაფერი კი იყო იმის შედეგი, რომ მე ამა თუ იმ საკითხზე მისთვის ჩემი აზრი არ დამიმალავს. ვფიქრობ რომ ეს არის ძალიან სასარგებლო ურთიერთობა. რაც შეეხება მის ჩართულობას ქართულ პოლიტიკურ სივრცესა და წინასაარჩევნო პროცესში, ეს მხოლოდ და მხოლოდ დადებითი იქნება. ივანიშვილს აქვს უფლება თავისი მოსაზრებები გამოთქვას, მხარდაჭერა გამოთქვას" - აღნიშნა პრემიერმა.
პრემიერი მედიის წარმომადგენლებს ტექნოლოგიურ პარკში ხვდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.