19-20 აპრილს თბილისის ზოგიერთ უბანს წყალმომარაგება შეუწყდება. კომპანია ”ჯორჯიან უოთერ ენდ ფაუერის" ცნობით, სამგორის რაიონში, 900 მმ-იანი წყალდენის ახლად შეცვლილი მონაკვეთის ექსპლუატაციაში გაშვების მიზნით, დღეს, 10:00 საათიდან, 20 აპრილის 10:00 საათამდე წყალმომარაგება შეუწყდება ქიზიყის, ჟორესის, ენუქიძის, ჭიჭინაძის, გუმათგესის, ენგურჰესის, ცისკარიშვილის, იდუმალის, რამაზ წურწუმიას, ქინძმარაულის, ნაკაშიძის, წმინდა ბარბარეს, 2-ნავთლუღის, ქვემო მელითონეთა, 31-ე ქარხნის, აეროდრომის და მიმდებარე დასახლებებს, ზემო და ქვემო ფონიჭალას, გიგანტის და ზოოვეტის დასახლებებს, სადგური ველს, ასევე, სოფლებს: გამარჯვება, გაჩიანი, ახტაკლია, კარატაკლია, ფოლადაანთ კარი და კრწანისი.


წყალმომარაგების შეწყვეტისა და აღდგენის შესახებ ინფორმაცია, „ჯორჯიან უოთერ ენდ ფაუერის“ აბონენტებს წინასწარ, SMS-შეტყობინების სახით ეგზავნებათ. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის www.gwp.ge მეშვეობით. „ჯორჯიან უოთერ ენდ ფაუერი“ მომხმარებელს დისკომფორტისთვის ბოდიშს უხდის და აცხადებს, რომ სამუშაოების რაც შეიძლება მოკლე დროში დასრულებას შეეცდება.