“მრეწველების“ ლიდერმა საგანგებო ბრიფინგი გამართა და განაცხადა, რომ არჩევნებში დამოუკიდებლად აპირებენ მონაწილეობის მიღებას. მისივე თქმით, „მრეწველებს“ ბარიერის გადალახვა არ გაუჭირდებათ. „მრეწველების“ ლიდერმა ასევე აღნიშნა, რომ მათ პარტიას ბარიერის გადალახვა მაშინაც არ უჭირდა, როდესაც 7-პროცენტიანი ბარიერი იყო.

დღესვე, გოგი თოფაძემ განაცხადა, რომ „მრეწველები“ არავისთან, მათ შორის არც „პატრიოტთა ალიანსთან“ გაერთიანებას ამ ეტაპზე არ გამორიცხავენ.

„დღესდღეობით ვცდილობთ არჩევნებზე მარტო გავიდეთ, თუმცა ალიანსს ძალიან დიდ პატივს ვცემთ. ძალიან ობიექტური ტელევიზია შექმნეს განსხვავებით სხვა ტელეარხებისგან. პროქართული პოზიცია უჭირავთ. პატივს ვცემთ თარხან-მოურავსაც, ქალბატონ ირმასაც, არ გამოვრიცხავ, მაგრამ ჯერ ვნახოთ, როგორ განვითარდება მოვლენები. ვფიქრობთ, ჩვენ გვაქვს ბევრთან იმდენი უპირატესობა, რომ ყველა საარჩევნო უბანში ჩვენი წარმომადგენელი გვყავს. ყველა უბანზე გვყავს დამკვირვებლები - საკმაოდ გამოცდილი ხალხი გვყავს და გვაქვს იმედი, რომ არჩევნებს არავინ გააყალბებს. ვნახოთ პოლიტიკური სიტუაცია როგორ განვითარდება. არავისთან ალიანსს არ გამოვრიცხავთ“, - განაცხადა გოგი თოფაძემ.