ხონის მუნიციპალიტეტის კინჩხის ადმინისტრაციულ ერთხეულში 3 ჰექტარ ტერიტორიაზე 7 000 ცალი წიწვოვანი ჯიშის ნერგი დაირგო.
ტერიტორია ადგილობრივი ხელისუფლების მხარდაჭერით შემოირაგვა და ახლადგაშენებულ ტყე-პარკს ტრაგიკულად დაღუპული მეტყევის მამუკა ღაღანიძის სახელი ეწოდა.
გამწვანების აქციაში იმერეთის სამხარეო ადმინისტრაციის, ხონის მუნიციპალიტეტის გამგეობისა და საკრებულოს თანამშრომლები, სახანძრო-სამაშველო სამსახურის სპეციალისტები, ადგილობრივი ა(ა)იპ-ების, სხვადასხვა ორგანიზაციებისა და იმერეთის რეგიონული სატყეო სამსახურის წარმომადგენლები მონაწილეობდნენ.
აქცია საქართველოს ეროვნული სატყეო სააგენტოს ინიციატივით ხე-ტყის აღდგენის პროექტის ფარგლებში განხორციელდა. აღნიშნული აქციის ფარგლებში წელს იმერეთის რეგიონში 40 ჰექტარი ტერიტორია გამწვანდება.
ეროვნული სატყეო სააგენტოს მიერ მსგავსი აქციები ტყიბულის, ხარაგაულის, ჭიათურის, საჩხერეს, ვანისა და ზესტაფონის მუნიციპალიტეტებში უკვე განხორციელდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.