თბილისის საქალაქო სასამართლოს ეზოში დედაქალაქის ყოფილი მერის გიგი უგულავას სასამართლო პროცესის დასრულების შემდეგ ინციდენტი მოხდა.

ერთმანეთს უგულავას მხარდამჭერები და მათი მოწინააღმდეგები დაუპირისპირდნენ.

ადმინისტრაციული წესით დააკავეს ოთხი ადამიანი - დეპუტატი ლევან ბეჟაშვილი, კოტე გაბაშვილი და ასევე, ,,თავისუფალი ზონის" ორი წარმომადგენელი .

ინციდენტის შედეგად რამდენიმე ადამიანი დაშავდა. მათ შორისაა "თავისუფალი ზონის" წარმომადგენელი ლაშა რუხაია, რომელიც უგონო მდგომარეობაში ღუდუშაურის კლინიკაში გადაიყვანეს.

თბილისის საქალაქო სასამართლომ წუხელ დედაქალაქის ყოფილ მერს გიგი უგულავას აღკვეთის ღონისძიების სახით პატიმრობა შეუფარდა.

ყოფილი მერი ორი დღის წინათ, თბილისის საერთაშორისო აეროპორტში დააკავეს.

გიგი უგულავას ბრალდება წარდგენილი აქვს შემდეგ ეპიზოდებში: მარნეულის საოლქო საარჩევნო კომისიის თავმჯდომარის მიმართ 2014 წლის05 ივნისს განხორციელებული იძულების და ჯგუფური მოქმედების ორგანიზებისთვის, რომელიც მიმართული იყო მარნეულის საოლქო საარჩევნოკომისიის კანონიერი საქმიანობის შეფერხებისაკენ. ასევე გიორგი ღონიაშვილთან და სხვა პირებთან ერთად, ჯგუფურად ჩადენილი განსაკუთრებითდიდი ოდენობით უკანონო შემოსავლის ლეგალიზაციისა და ყალბი ოფიციალური დოკუმენტის გამოყენების ორგანიზებისთვის. დანაშაულიგათვალისწინებული საქართველოს სისხლის სამართლის კოდექსის 194-ე მუხლის მეორე ნაწილის ,,ა" და ,,გ" ქვეპუნქტებით, 25,362-ე მუხლის პირველი ნაწილით, 226-ე მუხლით და 150-ე მუხლის პირველი ნაწილით.