თბილისს საქმიანი ვიზიტით “გლობალური ალიანსის“ სამეთვალყურეო საბჭოს თავმჯდომარე, ბერნარ კუშნერი ეწვია.

ბერნარ კუშნერის ვიზიტის მიზანს, ჯანდაცვის სფეროში მიმდინარე რეფორმები, განხორციელებული პროექტების შეფასება და ერთწლიანი მუშაობის შედეგების გაცნობა წარმოადგენს.

დღეს ჯანდაცვის სამინისტროსა და „გლობალური ალიანსის“ ერთობლივ პროექტებზე ბრიფინგი გაიმართა.

ჯანდაცვის მინისტრის მოადგილემ, ვალერი კვარაცხელიამ, „გლობალური ალიანსის“ სამეთვალყურეო საბჭოს თავმჯდომარემ, ბერნარ კუშნერმა და „გლობალური ალიანსის“ პრეზიდნეტმა, ჟან-ელი მალკინმა „გლობალური ალიანსისა“ და ჯანდაცვის სამინისტროს ერთობლივ პროექტებზე ისაუბრეს.

მათ ასევე თანამშრომლობის ერთი წელი შეაფასეს. განიხილეს მიღწეული შედეგები და ყურადღება გაამახვილეს საქართველოს ჯანდაცვის სფეროში მიმდინარე რეფორმებსა და პირველადი ჯანდაცვის რგოლის განვითარებაზე.

ვალერი კვარაცხელიამ „გლობალური ალიანსის“ ხელმძღვანელებსა და ჯანდაცვის სამინისტროს თანამშრომლებს გაწეული სამსახურისთვის მადლობა გადაუხადა.

ბერნარ კუშნერმა ჯანდაცვის სამინისტროსთან პარტნიორული ურთიერთობა დადებითად შეაფასა და თანამშრომლობის პირველი ფაზის დასასრულთან დაკავშირებით მომზადებულ თოთხმეტპუნქტიან გეგმაზე ისაუბრა.

„გლობალური ალიანსის“ პრეზიდნეტმა, ჟან-ელი მალკინმა კი დაგეგმილი ცვლილებების განხორციელების პროცესში საქართველოს ჯანდაცვის სამინისტროს როლი გამოჰყო. „ეს უნდა იყოს ნამვილი პარტნიორობა, რადგან სწორედ ჯანდაცვის სამინისტრომ უნდა განახორციელოს ცვლილებები“-აღნიშნა ჟან-ელი მალკინმა.