საპარლამენტო უმრავლესობის წევრი ზაქარია ქუცნაშვილი საარჩევნო სისტემასთან დაკავშირებით საკონსტიტუციო ცვლილებებს მხარს არ უჭერს. ქუცნაშვილმა ჟურნალისტებს განუცხადა, რომ როგორც მოქალაქეს, ასევე პარტიას უნდა ჰქონდეს პასიური საარჩევნო უფლება.
„მე წინააღმდეგი ვარ, რომ მოქალაქეებს წავართვათ პასიური საარჩევნო უფლება და პოლიტიკური საქმიანობა მონოპოლიზებული იყოს. ეს პოზიცია ჩამოყალიბებული მაქვს გასული საუკუნის 90-იანი წლებიდან. ვარ და ვიქნები ჩვენი მოქალაქეების მხარდამჭერი, ვარ დემოკრატიის მხარდამჭერი, მაგრამ არა პოლიტიკური მონოპოლიზაციის კუთხით“, - განაცხადა ზაქარია ქუცნაშვილმა.
მისივე თქმით, მან არ მოაწერა ხელი იმ ცვლილებებს რასაც იურიდიულ საკითხთა კომიტეტი განიხილავს, რადგან ეს იგივეა რომ ბიზნესის კეთების უფლება მიეცეთ მხოლოდ ფირმებს და აეკრძალოთ მოქალაქეებს.
პარლამენტში საარჩევნო სისტემასთან დაკავშირებით უმრავლესობის მიერ ინიცირებული საკონსტიტუციო ცვლილებების განხილვა მიმდინარეობს. ცვლილებების ინიციატორი უმრავლესობის 81 წევრია. აღნიშნული პროექტი მაჟორიტარული საარჩევნო სისტემის გაუქმებასა და მრავალმანდანტიანი პროპორციული სისტემის ამოქმედებას ითვალისწინებს. ამავე საკონსტიტუციო ცვლილებებით დაგეგმილია საარჩევნო ბარიერის 5%-დან 4%-მდე შემცირება.
უმრავლესობის პროექტით ახალ საარჩევნო სისტემაზე გადასვლა 2016 წლის შემდგომი არჩევნებისთვის იგეგმება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.