სრულიად საქართველოს პატრიარქის ქორეპისკოპოსის, მეუფე იაკობის განცხადებით, სასამართლო და სამართალი იმისთვის არსებობს, რომ მოვუსმინოთ და თუ კანონმორჩილები ვართ, მისი ნება აღვასრულოთ.

ამის შესახებ მეუფე იაკობმა სამების საკათედრო ტაძარში საკვირაო ქადაგების დროს ისაუბრა.

მან ყურადღება ქვეყანაში მიმდინარე პოლიტიკურ მოვლენებზე და სასამართლოს დამოუკიდებლობაზე გაამახვილა.

"სასამართლოს ვალი სიმართლის დადგენაა. გადაწყვეტილება ზოგ მხარეს არ მოეწონება, ზოგისთვის მოსაწონია. სრულიად გასაგებია, რომ სასამართლო და სამართალი იმისთვის არის, რომ უნდა მოუსმინო და თუ კანონმორჩილი ხარ, უნდა აღასრულო კიდეც" - ბრძანა მეუფე იაკობმა.

ქადაგებისას მეუფემ წინა რეჟიმის 200-მდე პოლიტპატიმარიც ახსენა და ხელისუფლებას ძველი გახმაურებული საქმეების დროულად გამოძიებისკენ მოუწოდა.

"ციხისთვის ერთი ადამიანიც არ მემეტება. ყველამ უნდა იცოდეს, რომ პასუხს აგებს.

როცა 200-ზე მეტი ადამიანი გასამართლებული გიზის და პოლიტპატიმრის სტატუსს აძლევენ, კარგი, ვთქვათ არის დავა, რომ რამდენიმე შეიძლება არ იყოს პოლიტიკური ნიშნით გასამართლებული, მაგრამ ეს სურათს ხომ ვერ შეცვლის.

კონსტიტუცია რომ ასე იქელებოდა და ილახებოდა რა გააკეთე? გააკეთე, რომ იგივე არ მოხდეს? რომ ახალ ხელისუფალს იგივე ცდუნება არ გაუჩნდეს? ავიღოთ ქუჩაში 150-ზე მეტი დახვრეტილი ახალგაზრდა, რომელი საქმეა გამოძიებული და ბოლომდე მიყვანილი? მე ახლა არ ვლაპარაკობ, რომ რომელი ძალაც ახლა არის, ყველაფერი ისე ხდება, რომ მოსაწონი იყოს. ხალხმა ამ არჩევნებზე აჩვენა რომ გულდაწყვეტილია" - ბრძანა მეუფე იაკობმა.