სომხეთმა და აზერბაიჯანმა ცეცხლის შეწყვეტის რეჟიმის დარღვევის ახალ ფაქტებზე განაცხადეს. სომხეთის თავდაცვის სამინისტროს ინფორმაციით, წუხელ აზერბაიჯანის შეიარაღებულმა ძალებმა სომხეთის საზღვრის მიმართულებით ცეცხლი 18-ჯერ გახსნეს, რის შემდეგაც სომხურმა მხარემ საპასუხო დარტყმები მიიტანა.
თავის მხრივ, აზერბაიჯანის თავდაცვის სამინისტრომ განაცხადა, რომ ბოლო 24 საათის განმავლობაში სომხეთმა ე.წ. შეხების ზონაში ცეცხლის შეწყვეტის რეჟიმი 108-ჯერ დაარღვია.
აზერბაიჯანის ძალოვანი უწყების ცნობით, შეიარაღებულმა ძალებმა საპასუხოდ საცეცხლე დარტყმები მიიტანეს, რა დროსაც განადგურდა სომხური მხარის კუთვნილი ტანკი.
მთიანი ყარაბაღის ზონაში ფართომასშტაბიანი საბრძოლო მოქმედები 2 აპრილს დაიწყო, 5 აპრილს კი, მხარეები ცეცხლის შეწყვეტაზე შეთანხმდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.