საქართველოს ძიუდოისტთა ნაკრები ყაზანის ევროპის ჩეპმიონატის ფინალში რუსეთს დაუპირისპირდა. პირველი ტატამზე ვაჟა მარგველაშვილი გავიდა (66).

ქართველმა სპორტსმენმა თავიდან მეტოქეს ვაზარი მისცა, შემდეგ კი მთელი შეხვედრა ცდილობდა სიტუაციის შეცვლას, თუმცა ბოლოს რუსმა იპონზე დააგდო - 0:1 რუსეთის სასარგებლოდ.

ამის შემდეგ ტატამზე ნუგზარ ტატალაშვილი (73) გავიდა. ტატალაშვილი თავიდანვე იუკოთი დაწინაურდა და საბოლოოდ გაიმარჯვა კიდეც - 1:1 გათანაბრდა.

ავთანდილ ჭრიკიშვილმა (81) რუსი მეტოქე ჯერ ვაზარზე, შემდეგ კი იპონზე დააგდო და საქართველო წინ გაიყვანა - 2:1.

ვარლამ ლიპარტელიანი რუს სპორტსმენთან იუკოთი აგებდა, თუმცა შემდეგ მეტოქე იპონზე დააგდო - 3:1 და საქართველო ევროპის ჩემპიონია.

ბოლო ფორმალური შეხვედრა ლევან მატიაშვილსა და რუს მეტოქეს შორის დამატებით დროში გადავიდა.