"გუშინ, ეს ოთხი ჰექტარი იყო ბოტანიკური ბაღის ბალანსზე, დღეს კი ბიძინა ივანიშვილის ბალანსზეა, მე პირადად ამ ამბავს შევაკვდები" - აღნიშნული განცხადება "ერთიანი ნაციონალური მოძრაობის" ერთ-ერთმა ლიდერმა, ნიკა მელიამ გააკეთა.
ნიკა მელია ბოტანიკური ბაღის ტერიტორიაზე ირაკლი აბესაძესთან ერთად მივიდა და ბაღის დირექტორს, თამაზ დარჩიძეს იმ წერილთან დაკავშირებით მოსთხოვა პასუხი, რომლითაც ბაღის საკუთრებაში არსებული 4 ჰექტარი მიწა გასხვისდა.
”4 ჰექტარი მიწა, რაც იყო ბოტანიკური ბაღის ბალანსზე, გადაეცით თუ არა კონკრეტულ კომპანიას? რა გგონიათ, ციდან ჩამოფრენილები ვართ და დოკუმენტების კითხვა არ ვიცით?... ახალგაზრდა ერთი წუთით მომისმინე. შენ უნდა იცოდე ერთი რაღაც - ვერ გადაგარჩენს ბიძინა ივანიშვილი, გამორიცხულია. ბათუმის ბოტანიკური ბაღი გადაეცი, სანამ აჭარიდან გადმოგიყვანდა თბილისის ბოტანიკური ბაღის დირექტორად? ჩაგისვა ჯიბეში? ხელის ბიჭი ხომ ხარ? - არ არსებობს, ვერ გადაგარჩენს”, - მიმართა მელიამ თამაზ დარჩიძეს.
ნიკა მელიას განცხადებით, გასხვისებულ ოთხ ჰექტარზე მშენებლობა იყო წარმოუდგენელი, ახლა კი ფართობს სამშენებლო სტატუსი მიენიჭა.
"ბიძინა ივანიშვილს შეუძლია, რაც უნდა ის ააშენოს იმ ოთხ ჰექტარზე. მე პირადად ამ ამბავს შევაკვდები. არ მიღირს ყოფნა პოლიტიკაში და ვაკეთო ის საქმე პოლიტიკაში, როდესაც რეალურად ვხედავ ჩემს თვალწინ ასეთ უსამართლობას, ასეთ კადნიერებას" - აღნიშნა მელიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.