თბილისის მერის მოადგილე ირაკლი ლექვინაძე ბოტანიკურ ბაღსა და მის მიმდებარე ტერიტორიასთან დაკავშირებით ”ნაციონალური მოძრაობის” წევრების, ნიკა მელიასა და ირაკლი აბესაძის ბრალდებებს პასუხობს და ამბობს, რომ "საზღვრების კორექტირება და 4 ჰექტარის ჩანაცვლება მოხდა ახალი ტერიტორიით."
”ბოტანიკურმა ბაღმა ამ ჩამოჭრილი 4 ჰექტარის ნაცვლად ბევრად უფრო უკეთესი ტერიტორია მიიღო, რომელიც მისი ინტერესებიდან გამომდინარე, არის ბოტანიკური ბაღისთვის ბევრად უკეთესი. ეს ტერიტორია გზის მიმდებარეა, რომელიც კრწანისი-შინდისის გზის მხრიდან ბოტანიკურ ბაღს ესაზღვრება. მას არანირი კავშირი რეზიდენციასთან არ აქვს. ბოტანიკური ბაღის ტერიტორია რჩება ძველ მოცულობაში. უბრალოდ საზღვრების კორექტირება და 4 ჰექტარის ჩანაცვლება მოხდა ახალი ტერიტორიით, რომელიც კიდევ ერთხელ ვიმეორებ, რომ ბოტანიკური ბაღისთვის უფრო მომგებიანია მცენარეების თვალსაზრისით და ასევე იმ ტურისტული მიზნებისთვის, რომელიც ბოტანიკურ ბაღს შეიძლება გააჩნდეს”, - განაცხადა ლექვინაძემ.
თბილისის მერის მოადგილეს თქმით, აღნიშნული საკითხის პოლიტიზება მიზანშეწონილი არ არის.
რაც შეეხება 29 ჰექტრს, რომელიც აუქციონზეა გამოტანილი, როგორც ირაკლი ლექვინაძემ აღნიშნა, ხდება ახალი გზის გაყვანა, რომელმაც კრწანისის ტერიტორია შინდისის მიმდებარე სოფლებთან უნდა დააკავშიროს და აღნიშნული აუქციონი სწორედ ამ გზის მიმდებარე ტერიტორიის განვითარებას ემსახურება.
”აუქციონზე გამოტანილია დაახლოებით, 29 ჰექტარი ტერიტორია, რომელიც არის გზის მეორე მხრეს, ბოტანიკური ბაღისგან ბევრად უფრო მოშორებით. ეს დაკავშირებულია გზის მიმდებარე ტერიტორიის განვითარებასთან”, - განაცხადა ლექვინაძემ და დასძინა, რომ აუქციონი არის გამჭვირვალე და მასში მონაწილეობა ნებისმიერ დაინტერესებულ პირს შეუძლია.
”ერთიანი ნაციონალური მოძრაობის” წევრების ინფორმაციით, ბიძინა ივანიშვილმა თბილისის ბოტანიკურ ბაღს 4 ჰექტარი ტერიტორია წაართვა და თავის რეზიდენციას მიუერთა.
"გუშინ, ეს ოთხი ჰექტარი იყო ბოტანიკური ბაღის ბალანსზე და იქ მშენებლობა იყო წარმოუდგენელი და დაუშვებელი. დღეს, ეს ოთხი ჰექტარი აღმოჩნდა ბიძინა ივანიშვილის ბალანსზე და იმ ოთხ ჰექტარს შეუცვალა სტატუსი და ის არის სამშენებლო სტატუსი უკვე და ბიძინა ივანიშვილს შეუძლია, რაც უნდა ის ააშენოს იმ ოთხ ჰექტარზე. მე პირადად ამ ამბავს შევაკვდები. არ მიღირს ყოფნა პოლიტიკაში და ვაკეთო ის საქმე პოლიტიკაში, როდესაც რეალურად ვხედავ ჩემს თვალწინ ასეთ უსამართლობას, ასეთ კადნიერებას," განაცხადა ნიკა მელიამ ბოტანიკურ ბაღში.
როგორც ”ერთიანი ნაციონალური მოძრაობის” წევრმა ნიკა მელიამ და თბილისის საკრებულოს წევრმა ”ნაციონალური მოძრაობიდან” ირაკლი აბესაძემ განაცხადეს, ბოტანიკური ბაღის მიმდებარედ 29 ჰექტარ ტერიტორიასთან დაკავშირებით, რომელზეც კრწანისი-შინდისის დამაკავშირებელი ახალი გზა უნდა გაკეთებულიყო, მერიამ აუქციონი გამოაცხადა, რომელიც 3 მაისს დასრულდება და ”მისი შემძენი ბიძინა ივანიშვილი გახდება”.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.