ქობულეთის კულტურის სახლში ანიმაციური ფილმების მე-8 საერთაშორისო ფესტივალი „თოფუზი“ გაიმართა. ფესტივალის ფარგლებში, ბავშვებისათვის მოეწყო „ბარაბნების შოუ“ და ნაჩვენები იქნა ფესტივალ „თოფუზი 2015“-ის საკონკურსო პროგრამის საუკეთესო ქართული და უცხოური ანიმაციური ფილმები, ასევე ჩატარდა კონკურსი „ქართლი ანიმაციის ისტორია“, გამარჯვებულები კი საჩუქრებით დაჯილდოვდნენ.
პროექტის მიზანია, ბავშვებსა და მოზარდებში კოლექტიური კინოჩვენების კულტურის დონის ამაღლება და მათი კულტურულ ცხოვრებაში ჩართულობის გაზრდა.
ფესტივალის ფარგლებში სახელოვნებო სკოლაში გაიმართა ვორქშოპი, სადაც მოზარდებმა ანიმაციის ტექნოლოგიებსა და კომპიუტერულ პროგრამებს გაეცნენ და 1 წუთიანი ანიმაციური ფილმი გადაიღეს.
ფესტივალი „ანიმაციის განვითარების ფონდის“ ორგანიზებით, აჭარის განათლების, კულტურისა და სპორტის სამინისტროსა და ქობულეთის მუნიციპალიტეტის გამგეობის განათლების განყოფილების მხარდაჭერით ჩატარდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.