რეგიონული განვითარებისა და ინფრასტრუქტურის სამინისტროს ინფორმაციით, აღმოსავლეთ-დასავლეთის ჩქაროსნული ავტომაგისტრალის რუისი-აგარის მონაკვეთზე, დღეს შექმნილი ვითარება განმუხტულია.
სამინისტროს მიერ გავრცელებული განცხადების თანახმად, მიწის მესაკუთრეებმა, რომლებიც კომპენსაციის მიღებას მოითხოვდნენ, აქცია დაშალეს, გზის სამშენებლო სამუშაოები კი, გაგრძელდა.
ამასთან, რეგიონული განვითარების სამინისტრო რამდენიმე გარემოებას განმარტავს, რომელიც მათივე განცხადებით, ამ საქმეში მეტ სიცხადეს შეიტანს.
სამინისტროს მიერ გავრცელებული განცხადების თანახმად, მიწის ნაკვეთები, რომელთა მფლობელები ახლა კომპენსაციას მოითხოვენ, მათ 2012 წლის ივლისსა და სექტემბერში, პირდაპირი მიყიდვის წესით, კვადრატული მეტრი 7 თეთრად დაუკანონდათ.
"მაშინდელმა ხელისუფლებამ ეს იმის მიუხედავად განახორციელა, რომ აღნიშნული მიწის ნაკვეთები, რომელიც იქამდე კერძო საკუთრებაში არ ყოფილა, აღმოსავლეთ-დასავლეთის ჩქაროსნული ავტომაგისტრალის მშენებლობის არეალში იყო მოქცეული და პრივატიზებას არ უნდა დაქვემდებარებოდა. იმის გამო, რომ ამ ქმედებაში კანონდარღვევისა და კორუფციის ელემენტები იკვეთება, განსაკუთრებით, იმის გათვალისწინებით, რომ მიწების ძირითადი ნაწილი მაშინდელ მაღალჩინოსნებზე გასხვისდა, რეგიონული განვითარებისა და ინფრასტრქუტურის სამინისტროს ახალმა ხელმძღვანელობამ საქმე პროკურატურას გადასცა" - ნათქვამია განცხადებაში.
სამინისტროს ინფორმაციით, აღსანიშნავია, რომ თბილისი-სენაკი-ლესელიძის საავტომობილო გზის E-60 ჩქაროსნული ავტომაგისტრალის რუისი-აგარის მონაკვეთზე მშენებლობა-მოდერნიზაციის სამუშაოებს, საქართველოს მთავრობასთან გაფორმებული ხელშეკრულების საფუძველზე, მსოფლიო ბანკი აფინანსებს, რომლის პოლიტიკის შესაბამისად, არ არის გათვალისწინებული იმ მიწებზე კომპენსაციების გაცემა, რომელიც კერძო საკუთრებაში მშენებლობის შესახებ მიღებული გადაწყვეტილების შემდეგ გაიცა.
რეგიონული განვითარების სამინისტროში განმარტავენ, რომ არც ერთ ქვეყანაში, მას შემდეგ, რაც გზის მშენებლობის არეალი დადგინდება, ამ მიწების პრივატიზება და შემდგომ უკან გამოსყიდვა აღარ ხდება, მითუმეტეს, რომ ამის შესახებ აკრძალვა საქართველოს მთავრობის 2009 წლის 18 თებერვლის #104 განკარგულებით არსებობს.
აღნიშნულ მონაკვეთზე მიწის მესაკუთრეთა აღწერა 2011 წლის 15 ოქტომბერს დაიწყო. შესაბამისად, ამ პერიოდისთვის გზის მშენებლობის არეალი უკვე ცალსახად იყო ცნობილი და სახელმწიფო უწყებების მიერ ამ ტერიტორიაზე მდებარე მიწების გასხვისება არ უნდა მომხდარიყო. მიუხედავად ამისა, რეგიონული განვითარების სამინისტრომ პროექტის დამფინანსებელ მსოფლიო ბანკს შუამდგომლობით მიმართა, ახლადშექმნილი გარემოება გაეთვალისწინებინა და პრობლემის მოგვარების გზების შესახებ ემსჯელა" - ნათქვამია სამინისტროს განცხადებაში.
საბოლოო გადაწყვეტილება, ამ საკითხთან დაკავშირებით, მსოფლიო ბანკის დასკვნის შედეგად იქნება მიღებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.