აშკარაა, რომ უმრავლესობა ოპოზიციის მიერ შეთავაზებული საკონსტიტუციო ცვლილებების მხარდასაჭერად მზად არის, - განაცხადა პარლამენტის პლენარულ სხდომაზე ფრაქცია ”თავისუფალი დემოკრატების” წევრმა, ზურაბ აბაშიძემ.
”მართლა გულწრფელად მაინტერესებს, რომ არა საკონსტიტუციო სასამართლოს გადაწყვეტილება მაჟორიტარული საარჩევნო ოლქების გათანაბრებასთან დაკავშირებით, ფიქრობდა თუ არა ხელისუფლება სისტემის შეცვლაზე, თუ ტოვებდა იგივეს, რაც წინა ხელისუფლების დროს იყო?! სამწუხაროდ, წინა ხელისუფლების და დღევანდელი ხელისუფლების განცხადებები არის ერთი ერთში, იდენტური. რა თქმა უნდა, ეჭვებს ბადებს, როცა ხელისუფლებას არა აქვს სურვილი, გადადგას ნაბიჯი საარჩევნო სისტემის გაუმჯობესებისკენ”, - განაცხადა აბაშიძემ პარლამენტის სხდომაზე.
პარლამენტში საარჩევნო სისტემასთან დაკავშირებით ოპოზიციური პოლიტიკური გაერთიანებების მიერ შემუშავებული საკონსტიტუციო ცვლილებების პროექტის განხილვა მიმდინარეობს.
პროექტის მიხედვით, გათვალისწინებულია პარლამენტის დაკომპლექტება ერთიანი პროპორციული სისტემით არჩეული და სამხარეო პროპორციული სისტემით პარლამენტის წევრებისგან. ოპოზიციის საკონსტიტუციო ცვლილებები 2016 წლის არჩევნებისთვის 75 სადეპუტატო მანდატის - პროპორციული წესით, ხოლო 75-ის სამხარეო-პროპორციული წესით გადანაწილებას გულისხმობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.