ივერიის ყოვლადწმინდა ღვთისმშობლის ხატის დღესასწაულთან დაკავშირებით, მახათას მთაზე მშენებარე ივერიის ყოვლადწმინდა ღვთისმშობლის ხატის სახელობის ტაძარში სადღესასწაულო პარაკლისი შესრულდა.
ღვთისმშობლის პარაკლისი სრულიად საქართველოს კათოლიკოს-პატრიარქმა, უწმინდესმა და უნეტარესმა, ილია მეორემ მღვდელთმთავრებთან და ტაძრის მღვდელმსახურებთან ერთად გადაიხადა.
„ყველას გილოცავთ ამ დიდებულ დღესასწაულს, ყოვლადწმინდა ღვთისმშობელი იყოს მფარველი თქვენი და საქართველოსი. ყოვლადწმინდა ღვთისმშობელმა დედამ გადაგაფაროთ თავისი საფარველი თქვენ და საქართველოს, ამინ“, - მიმართა მრევლს უწმინდესმა.
მახათას მთაზე მშენებარე ტაძარში დაბრძანებული იყო ხატები, მათ შორის, ივერიის ყოვლადწმინდა ღვთისმშობლის ორი ხატი. მათგან ერთ-ერთი ხატი მახათას მთის მონასტერში 6 აპრილს ათონის ივერთა მონასტრიდან ჩამოაბრძანეს. ივერიის ღვთისმშობლის სახელობის ხატი ათონის ივერიის ღვთისმშობლის ხატის ზუსტი ასლია და მახათას მთის მონასტრისთვის დაიწერა. ხატი ოქროს პერანგითაა შემკული. ყოვლადმინდა ღვთისმშობლის დღესასწაული ყოველ ბრწყინვალე შვიდეულის სამშაბათს აღინიშნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.