არჩევნების მეორე ტურში მონაწილეობა 12:00 საათისთვის, 258 789-მა ამომრჩეველმა მიიღო, რაც მეორე ტურის ამომრჩეველთა საერთო რაოდენობის 15.09%-ია.

ცენტრალურმა საარჩევნო კომისიამ (ცესკო) 12:00 საათისთვის ამომრჩეველთა აქტივობის შესახებ ინფორმაცია გამოაქვეყნა, რომლის თანახმადაც, ყველაზე აქტიური რაიონი კვლავ ხონია, ხოლო ამომრჩეველთა ყველაზე ნაკლები აქტივობა, ისევ ბათუმში ფიქსირდება.

როგორც ცესკო-ს საინფორმაციო ბრიფინგზე აღინიშნა, თბილისში, არჩევნების მეორე ტურში მონაწილეობა 135 107-მა ამომრჩეველმა მიიღო, რაც დედაქალაქში ამომრჩეველთა საერთო რაოდენობის 14.7%-ია.

12:00 საათისთვის ამომრჩეველთა აქტივობა ყვარელში - 14%, თელავში - 12.2%, ახმეტაში - 18.6%, თიანეთში - 18.8%, რუსთავში - 16.1%, მცხეთაში - 20.2%, გორში - 13.9%, თერჯოლაში - 21%, ბაღდათში - 18.9%, ხონში - 28.4%, ტყიბულში - 21.9%, ოზურგეთში - 24.5%, ლანჩხუთში - 25.1%, მარტვილში - 15%, ფოთში - 14.6%, ბათუმში - 10.7%, ქობულეთში - 12% და ხულოში - 14.8% ფიქსირდება.

ამომრჩეველთა აქტივობაზე განახლებულ ინფორმაციას ცესკო 15:30 საათზე დაგეგმილ ბრიფინგზე წარადგენს.

ადგილობრივი თვითმმართველობის არჩევნების მეორე ტური დღეს, რვა თვითმმართველ ქალაქსა და 13 მუნიციპალიტეტში ტარდება.