ახლადარჩეულმა ლონდონის მერმა სადიყ ხანმა საუსვორკის ტაძარში ცერემონიალზე, რომელსაც ლეიბორისტების ყოფილი ლიდერი ედ მილიბანდი და ბარონესა დორენ ლოურენსი ესწრებოდნენ, ფიცი დადო და განაცხადა: „მზად ვარ თავდაუზოგავად ვემსახურო ყველაზე მეტად გამჭვირვალე, ჩართულ და ხელმისაწვდომ ადმინისტრაციას და როგორც ლონდონის მერი ვიყო საზოგადოების თითოეული წევრის და ქალაქის ყველა ნაწილის წარმომადგენელი.“

ხანმა განაცხადა, რომ იგი უარს იტყვის იყოს ლეიბორისტული პარტიის პარლამენტის წევრი.

1,310,143 ხმით მან დიდი ბრიტანეთის ისტორიაში პოლიტიკოსებს შორის ყველაზე დიდი მანდატი მიიღო. ხანმა მისი მოწინააღმდეგე, კონსერვატორი ზაკ გოლდსმიტი 13.6%-ით დაამარცხა და ლონდონის პირველი მუსლიმი მერი გახდა. 

ავტობუსის პაკისტანელი მძღოლის შვილი დიდი ბრიტანეთის დედაქალაქში გაიზარდა. მან თქვა, რომ არასოდეს უოცნებია გამხდარიყო ლონდონის მერი.

მოკლული შავი თინეიჯერის სტივენის დედამ, ბარონესა ლოურენსმა განაცხადა: „მე ვერასოდეს წარმოვიდგენდი მთელი ჩემი ცხოვრების განმავლობაში, რომ მეყოლებოდა მერი, რომელიც ეთნიკური უმცირესობის წარმომადგენელი იქნებოდა.“

სადიყ ხანი პაკისტანიდან დიდ ბრიტანეთში ემიგრირებული ოჯახის 8 შვილიდან, მეხუთეა. სადიყი, მისი მშობლების ლონდონში ემიგრაციის შემდეგ მალევე დაიბადა. მამამისი გარდაცვალებამდე, 25 წლის განმავლობაში ავტობუსის მძღოლი იყო, ხოლო დედამისი მკერავი. ოჯახი დღემდე უგზავნის ფულად დახმარებას პაკისტანში მცხოვრებ ნათესავებს.