თუ კითხვას სვამთ - ნატო თუ რუსეთი, გეტყვით რომ ნატო; თუ კითხვას სვამთ - ევროკავშირი თუ ”ესენგე”, გეტყვით რომ ევროკავშირი, თუ კითხვას სვამთ - ბერძენიშვილი თუ მეჭიაური, გეტყვით, რომ მეჭიაური, - ასე უპასუხა პარლამენტის ვიცე-სპიკერმა მანანა კობახიძემ ჟურნალისტების შეკითხვას მმართველი გუნდის წევრის, თამაზ მეჭიაურის ”ქართული ოცნებიდან” გარიცხვის თაობაზე ”რესპუბლიკელი” დეპუტატის, დავით ბერძენიშვილის რჩევასთან დაკავშირებით.
კობახიძის თქმით, გარიცხვის საკითხი არ დგას.
”მეჭიაურის პოზიცია არის ერთი ინდივიდუალური დეპუტატის მოსაზრება”, - განაცხადა კობახიძემ.
მისივე თქმით, პარტია ”ქართული ოცნება” საკუთარ წევრებთან თავად მოახერხებს გაარკვიოს ურთიერთობები.
”მგონი აქ გარიცხვაზე არ დგას საკითხი. როდესაც ადამიანები აცნობიერებენ, რომ პოზიციები არის განსხვავებული, მკვეთრად განსხვავებული და მითუმეტეს ძალიან პრინციპულ და სტრატეგიულ საკითხებზე, ამ შემთხვევაში, პოლიტიკოსები იღებენ გადაწყვეტილებებს და პარტიაც ასეთ შემთხვევაში იღებს გადაწყვეტილებებს. ეს არის შიდაპარტიული საკითხი, რომელიც გადაწყდება გარეპარტიების ყოველგვარი მოწოდებებისა და მითითებების გარეშე”, - აღნიშნა კობახიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.