ჩვენ ვხედავთ 1200-მდე ქართველ, ამერიკელ და ბრიტანელ სამხედროებს, რომლებიც გვერდიგვერდ დგანან როგორც თანამებრძოლები, - განაცხადა ამერიკის შეერთებული შტატების ელჩის მოადგილემ, ნიკოლას ბერლინერმა ვაზიანში სამხედრო სწავლება - „ღირსეული პარტნიორი 2016” გახსნის ცერემონიაზე.

"დღეს ვხედავთ ამერიკული ტანკების მონაწილეობას, რომელიც ბულგარეთიდან გადმოზიდული იყო ზღვით, რათა მონაწილეობა მიეღოთ ამ წვრთნებში. პირველად მოხდა, რომ ”აბრამსის” ტანკები მონაწილეობას იღებენ საქართველოს სწავლებაში. რაც გვანახებს, თუ რამდენად შეიძლება სწრაფი რეაგირების ძალების გაშლა და რამდენად მნიშვნელოვანია, როდესაც უსაფრთხოების კრიზისი თავს იჩენს.

მიმდინარე სწავლება გვანახებს ჩვენი ამბიციების თამასას. ნატო-ს პარტნიორები და მოკავშირეები თავის პასუხისმგებლობას სერიოზულად უდგებიან იმ კრიზისების თვალსაზრისით, რომელიც შეიძლება აღმოჩნდეს.

ჩვენ მზად ვართ სწრაფად ვიმოძრაოთ და სწრაფი გადასროლა მოვახდინოთ ნებისმიერ აგრესიის საპასუხოდ. უკანასკნელი 15 წლის განმავლობაში ქართველმა და ამერიკელმა მებრძოლებმა ერთად მიიღეს მონაწილეობა საერთაშორისო მისიებში. ჩვენ მაღალ შეფასებას ვაძლევთ იმ როლს, რომელსაც საქართველო კვლავ და კვლავ თამაშობს საერთაშორისო მშვიდობისა და უსაფრთხოების შენარჩუნებაში.

დღევანდელ სწავლებას შემთხვევით არ დაერქვა ეს სახელი - იმიტომ რომ საქართველო ღირსეული პარტნიორი გახლავთ. ორი კვირის განმავლობაში ჩვენ კიდევ ერთხელ თავს მოვიყრით ერთად, რათა აღვნიშნოთ საქართველოს 25 წლის დამოუკიდებლობის იუბილე”, - განაცხადა ამერიკის შეერთებული შტატების ელჩის მოადგილემ ნიკოლას ბერლინერმა.