ივ. ჯავახიშვილის სახელობის თბილისის სახელმწიფო უნივერსიტეტის საარჩევნო კომისიამ აკადემიური საბჭოს პირველი ეტაპის არჩევნების შედეგები გამოაცხადა.
საარჩევნო კომისიის ინფორმაციით, არჩევნებში გაიმარჯვეს: სოციალურ და პოლიტიკრ მეცნიერებათა ფაკულტეტის წარმომადგენლებმა, ნოდარ ბელქანიამ და ამირან ბერძენიშვილმა, ბიოლოგიური ფაკულტეტიდან ირმა ხარშილაძემ და ირინა ქურდაძემ, ფსიქოლოგიისა და განათლების და მეცნიერების ფაკულტეტიდან თამარ აბაშიძემ და რუსუდან სანაძემ, საბუნებისმეტყველო მეცნიერებათა ფაკულტეტიდან გიორგი ღვედაშვილმა და ომარ ფურთუხიამ, ეკონომიკისა და ბიზნესის ფაკულტეტიდან ელგუჯა მექვაბიშვილმა და მარინა მინდორაშვილმა, მედიცინის ფაკულტეტიდან პაატა იმნაძემ და ნინო ოკრიბელაშვილმა, ჰუმანიტარულ მეცნიერებათა ფაკულტეტზე კი გამოვლინდა მხოლოდ ერთი გამარჯვებული დავით გოცირიძე, ხოლო ორ კანდიდატს - აპოლონ სილაგაძეს და ქეთევან ხუციშვილს თანაბარი ხმები დაუგროვდათ, რის გამოც ხელახალი კენჭისყრა გაიმართება.
როგორც უნივერსიტეტის საარჩევნო კომისიაში აცხადებენ, ხელახალი კენჭისყრის თარიღი უახლოეს პერიოდში დაინიშნება. მათივე ინფორმაციით, სავარაუდოდ კენჭისყრა 16 მაისამდე ჩატარდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.