მთავრობის მეთაურის, გიორგი კვირიკაშვილის თქმით, ყოფილ პრემიერ ბიძინა ივანიშვილს ”ქართული ოცნების” მომავალი გუნდის დაკომპლექტებაში ამ წუთამდე მონაწილეობა არ მიუღია.
ეს განცხადება კვირიკაშვილმა ქართველ ჟურნალისტებთან გაერთიანებულ სამეფოში ვიზიტისას გააკეთა.
”ბიძინა ივანიშვილი არის ”ქართული ოცნების” დამფუძნებელი. მე არასდროს დამიმალავს, რომ მას გააჩნია ძალიან მაღალი ავტორიტეტი არამხოლოდ პოლიტიკურ გაერთიანება ”ქართულ ოცნებაში”, არამედ მთლიანად საქართველოში. კიდევ ერთხელ ვამბობ, რომ მასთან გარკვეული კონსულტაციები პარტიის შემდგომი მშენებლობის გზაზე რომ არსებობდეს, ამაში გასაკვირი არაფერი არ არის, მაგრამ ისიც მინდა ვთქვა, რომ შემდგომი გუნდის დაკომპლექტებაში ამ წუთამდე მას არანაირი მონაწილეობა არ მიუღია. ჩვენ ახალი სახეების წარმოდგენა, ალბათ, უახლოეს მომავალში გვექნება. შემიძლია გითხრათ, რომ ეს გუნდი მთლიანად იქნა შერჩეული პარტიის ლიდერების მხრიდან და ეს არის ძალიან გამჭვირვალე პროცესი. საერთაშორისო პრაქტიკასთან აბსოლუტურ შესაბამისობაში გაიმართა წინა შესარჩევი პროცესი, იყო გასაუბრებათა მთელი სერია და ამის შედეგად იქნა შერჩეული ძალიან დიდი რაოდენობა ახალგაზრდებისა”, - განაცხადა პრემიერ-მინისტრმა და დასძინა, რომ ”ქართულ ოცნებასთან” შეერთების ინტერესი ძალიან დიდია.
მისივე თქმით, არ იქნება მთლიანად ახალი გუნდი და ”ქართულ ოცნების” ნაწილი დარჩება ძველი გუნდიდან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.