"4 წელი გავიდა და ვზეიმობთ, რომ დავამარცხეთ "ნაციონალური მოძრაობა" და რას მივაღწიეთ ამით?! ვერაფერს... ეს უნდა მორჩეს, მაგრამ ამას ვერ ხვდებიან ისინი, ვინც თავს პოლიტიკოსებს უწოდებენ და მე ყველაზე მეტად იმიტომ მიტევენ, რომ თურმე პოლიტიკოსი არა ვარ, - აღნიშნული განცხადება პოლიტიკური მოძრაობა "სახელმწიფო ხალხისათვის" ლიდერმა პაატა ბურჭულაძემ გაზეთ "კვირის პალიტრასთან" ინტერვიუში გააკეთა.
"კი ბატონო, არა ვარ, მაგრამ კიდევ უარესს ვიტყვი - დღეს ქვეყანაში საერთოდ არა გვყავს პოლიტიკოსები, დღეს პოლიტიკა იქცა ერთგვარ სამსახურებრივ ბიზნესად... შესაბამისად, საშინაო თუ საგარეო პოლიტიკაში ურთულესი ვითარება გვაქვს. არა გვაქვს ჩამოყალიბებული საგარეო მიმართულება, ვდგავართ ერთ ადგილას და ვტკეპნით... დამეთანხმებით, ასოცირების ხელშეკრულების გაფორმება დიდი ხნის წამოწყებული პროცესი იყო და ამას მხოლოდ ეს ხელისუფლება ვერ დაიბრალებს. პროცესი არ გაუჩერებიათ, თუმცა ძალიან შეანელეს - ის განცხადებები, რაც ხელისუფლების ზოგიერთი წარმომადგენლისგან ნატოსა და აქ მიმდინარე წვრთნებთან დაკავშირებით მოვისმინეთ, ნამდვილად არ წაადგება ქვეყანას. ფაქტია, გუნდში ერთიანობა არ არის, რაც აზარალებს საქართველოს", - ამბობს მოძრაობა "სახელმწიფო ხალხისთვის" ლიდერი.
ბურჭულაძე მიიჩნევს, რომ საქართველოს არჩეული აქვს დასავლური კურსი და ქართველი ხალხის ამ არჩევანის შეცვლა წარმოუდგენელია.
"კიდევ ერთხელ გავიმეორებ, რომ საქართველოს გზა დასავლეთისკენაა. ეს აირჩია ქართველმა ხალხმა და მისი შეცვლა წარმოუდგენელია. იმავდროულად, განსხვავებით რუსული პოლიტიკისგან, რუსი ხალხი მიყვარს. რუსული პოლიტიკის მიზნები ჩვენთვის გასაგებია და მათზე სხვანაირი რეაგირებაა საჭირო. ჩემი აზრით, აბაშიძე-კარასინის მოლაპარაკებათა ფორმატი საკმარისი არ არის. საჭიროა მისი ცვლილება და რეფორმირება, ასევე დიალოგის ახალი ფორმატების შექმნა. ფაქტია, ჩვენი ტერიტორიები ოკუპირებულია, არ შეიძლება ერთ ქვეყანაში სამი საელჩო იყოს, ვგულისხმობ სოხუმსა და ცხინვალში გახსნილ რუსულ წარმომადგენლობებს, მაგრამ აქტიური დიალოგი საფრთხეების შემცირებისთვის არის საჭირო. უნდა დავარწმუნოთ რუსეთი, რომ მისი მტრები არა ვართ და ევროკავშირში ან ნატოში გაწევრება რუსეთის წინააღმდეგ გადადგმული ნაბიჯი არ არის. ეს საქართველოს მოქალაქეების არჩევანია. ამაზე იყო აქტიური საუბარი საჭირო და არა მხოლოდ ეკონომიკურ ურთიერთობასა და ტურისტულ მიმოსვლაზე", - დასძენს რესპონდენტი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.