ამ წუთებში საზოგადოებრივი მაუწყებლის შენობასთან პირველი არხის ჟურნალისტები, ტექნიკური პერსონალი და საინფორმაციო გამოშვება "მოამბის" ოპერატორები საპროტესტო აქციას მართავენ. ისინი საზოგადოებრივი მაუწყებლისგან ხელფასების მომატებას და სამუშაო პირობების გაუმჯობესებას ითხოვენ.
როგორც "მოამბის" ოპერატორმა კახა ჯანაშვილმა ჟურნალისტებთან განაცხადა, საზოგადოებრივ მაუწყებელში 7-8 თვეა რეორგანიზაცია მიმდინარეობს, რის გამოც გაუსაძლისი პირობები აქვთ სამუშაოდ. მისი თქმით, მათი მოთხოვნების შესახებ საზოგადობრივი მაუყებლის ხელმძღვანელობისთვის და სამეურვეო საბჭოსთვის ცნობილი იყო, თუმცა მათ პასუხი მოთხოვნაზე არ გაუციათ.
"საზოგადოებრივ მაუწყებელში რეორგანიზაცია მიმდინარეობს 7-8 თვეა. ჩვენი მოთოვნა დღეს არ დაწყებულა, უკვე 2 წელიწადნახევარია ვითხოვთ პრობლემების მოგვარებას , ვიყავით ბორდის ხელმძღვანელთან, სამეურვეო საბჭოს თავმჯდომარესთან, ჩვენს უშუალო ხელმძღვანელთან, დღეს ხვალ, დღეს ხვალ, ასე გვპირდებოდნენ და ეს პროცესი გაიწელა უკვე 2 წელიწადნახევარია. რა თქმა უნდა, რეორგანიზაცია კარგია, მაგრამ ჩვენ ოპერატორები და ის ხალხი ვინც აქ დგას, პირდად მე, ვართ ადამიანები, რომელთა უკან ოჯახები დგას. არც ერთი პრობლემა ამ ორ წელიწადნახევარში არ შეცვლილა. მიუხედავად რეორგანიზაციისა, ამ ტელევიზიაში ახალი თანამშრომლებიც მიიღეს და ხელფასებიც მოემატათ. მე არავის ვუპირისპირდები, ჩვენ ვითხოვთ ჩვენს კუთვნილს, რაც გვკუთვნის. თუნდაც აქ მდგომ ერთ ადამიანს რამე დაემუქრება ან ვინმე გათავისუფლდება სამსახურიდან, ყველა დავდგებით მათ გვერდით. ჩვენ არ გვინდა რომ ამ აქციამ რაიმე პოლიტიკური სახე მიიღოს, ჩვენ ვითხივთ ჩვენს კუთვნილ ანაზღაურებას, სამუშაო გაორმაგდა და გაათმაგდა, მაგრამ თანამშრომლებს ხელფასებს არ აძლევენ. პირდებიან ერთ თვეში, ორ თვეში, მაგრამ ამას არ აკეთებენ. ბორდის ხელმძღვანელობას ვესაუბრე და მითხრეს რომ 80-70 კაცზე პასუხისმგებლობას ვერ ავიღებ, პასუხისმგებლობას 800 ადამიანზე ვიღებ და აიტომ ეს საკითხი უფრო გლობალურად უნდა გადაწყდესო, რამდენი ხანი შეიძლება ვითმინოთ, ეს არის ჩვენი სოციალური პრობლემები. ჩვენ საზოგადოებრივ მაუწყებელში მძიმე სამუშაო პირობებია, ყუარდღევას არავინ გვაქცევდა და სწორედ ამიტომ მივიღეთ გადაწყვეტილება, რომ ასაპროტესტო აქციისთვის მიგვემართა კოლეგების მეშვეობით. საზოგადოებრივ მაუწყებელში გაუსაძლისი სამუშაო პირობები და უსამართლობა," განაცხადა კახა ჯანაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.