"ეგვიპტის ავიახაზების" განცხადებით, EgyptAir -ს თვითმფრინავი Airbus A320, რომელიც პარიზიდან ქაიროს მიმართულებით გადაადგილდებოდა და რომლის ბორტზეც 66 ადამიანი იმყოფებოდა, რადარებიდან გაქრა. აღნიშნულ ინფორმაციას CNN ავრცელებს.
თვითმფრინავი 11 300 მ სიმაღლეზე მიფრინავდა, როდესაც ის ეგვიპტის საჰაერო სივრცეში შესვლიდან მალევე გაუჩინარდა. "ეგვიპტის ავიახაზების" ცნობით, თვითმფრინავის ბორტზე 56 მგზავრი და ეკიპაჟის 10 წევრი იმყოფებოდა.
"ეგვიპტის ავიახაზების" ცნობით, თვითმფრინავის ბორტზე 30 ეგვიპტელი, საფრანგეთის 15 მოქალაქე, ერთი ბრიტანელი, ორი ერაყელი, ასავე კანადის, ბელგიის, ქუვეითის, საუდის არაბეთის, სუდანის, ჩადის და პორტუგალიის მოქალაქეები იმყოფებოდნენ.
CNN -ის ცნობით, იმ სივრცეში, სადაც თვითმფრინავის გაუჩინარება მოხდა, საკმაოდ კარგი და წყნარი ამინდია.
BBC -ს ცნობით, ამ წუთებში სამაშველო ჯგუფები სამძებრო სამუშაოებში არიან ჩართული.
გასული წლის ოქტომბერში რუსული სამგზავრო თვითმფრინავი, რომელიც რუსეთში შარმ ელ-შეიხიდან მიფრინავდა, სინას ნახევარკუნძულზე ჩამოვარდა და ბორტზე მყოფი 224 ადამიანის სიცოცხლე იმსხვერპლა. მოგვიანებით, მოსკოვის ოფიციალურმა პირებმა განაცხადეს, რომ თვითმფრინავი ასაფეთქებელი მოწყობილობის გამოყენების შედეგად ჩამოვარდა.
მაშინ ისლამური სახელმწიფოს მებრძოლებმა განაცხადეს, რომ თვითმფრინავი მათ დაბომბეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.