ეროვნული ვალუტის გამყარებასთან დაკავშირებით ეკონომიკის ექსპერტი ემზარ ჯგერენაია guardian.ge -ს ესაუბრა.

საუბარში ჯგერენაიამ განმარტა, რომ ლარის კურსის ხელოვნურად შენარჩუნება კარგ შედეგებს არ მოიტანს. თუმცა, ამავდროულად, მან ხაზი გაუსვა იმ ფაქტსაც, რომ ეროვნულმა ბანკმა ყველაფერი უნდა გააკეთოს საიმისოდ, რომ არ მოხდეს, ლარის გაუფასურება. ჯგერენაიას განცხადებით, მაისის თვეში საკმაოდ საინტერესო დინამიკა შეინიშნებოდა. ბოლო რამდენიმე დღის მანძილზე „ეროვნულმა ბანკმა“ 120 მილიონ დოლარზე მეტი ოდენობის ვალუტა შეისყიდა. “ფინანსთა სამინისტროს მხრიდან ხდება ფასიანი ქაღალდების იმიტირება და ობლიგაციების შედეგად ხდება ლარის უკან ამოღება. ამან გაანპირობა ის კურსი, რაც გვაქვს დღეს. ერთი მხრივ, ეროვნულმა ბანკმა არ უნდა დაუშვას, ეროვნული ვალუტის სწრაფი ცვლილება, რყევა, რაც დიდად სასურველი არ არის, თუმცა, მეორე მხრივ, კურსის ხელოვნურად დაჭერასაც არ მოჰყვება კარგი შედეგი“, – განაცხადა ჯგერენაიამ.