საქართველოს მთავრობის განკარგულებით, ხობის მუნიციპალიტეტის სოფელ ყულევში თანამედროვე ტექნოლოგიებით აღჭურვილი ნავთობგადამამუშავებელი ქარხანა აშენდება.
ეკონომიკისა და მდგრადი განვითარების სამინისტროს ინფორმაციით, ქარხანა მსუბუქი და საშუალო დისტილატების და სხვა ნავთობპროდუქტების წარმოებასთან ერთად, 40 მგ/სთ ელექტროენერგიასაც გამოიმუშავებს. საწარმოს ინვესტორი შპს „ფაზის ოილია“. იგი შპს „Socar Georgia Investments“-ის უფლებამონაცვლეს წარმოადგენს, რომელსაც 2012 წლის სექტემბერში ეკონომიკისა და მდგრადი განვითარების სამინისტროსთან შესაბამისი ნასყიდობის ხელშეკრულება აქვს გაფორმებული.
საქართველოს მთავრობის განკარგულებით (N 790) გათვალისწინებულია ინვესტორის მთელი რიგი ვალდებულებები. მან გადაცემულ ქონებაზე 120 მლნ აშშ დოლარის ინვესტიცია უნდა განახორციელოს. ასევე, 2019 წლის 31 დეკემბრამდე ააშენოს და ექსპლუატაციაში მიიღოს ნავთობგადამამუშავებელი ქარხანა, რომელსაც წელიწადში არანაკლებ ორი მილიონი ტონა მსუბუქი ნედლი ნავთობის გადამუშავებისა და „ევრო 5“ სტანდარტის, ან მისი ეკვივალენტური სტანდარტების საწვავის წარმოების შესაძლებლობა ექნება.
ამასთან, წარმოების დაწყებიდან მინიმუმ ათი წლის განმავლობაში, ქარხანაში დასაქმებულთა არანაკლებ 70% საქართველოს მოქალაქე იქნება.
ეკონომიკის სამინისტროში აცხადებენ, რომ აღნიშნული პროექტის განხორციელება რეგიონში მრეწველობის განვითარებასა და საქართველოს მოქალაქეების დასაქმებაზე დადებითად აისახება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.