ლენტეხის მუნიციპალიტეტის გამგებლის, ამირან ჯამბურიძის ცნობით, ქუთაისი-ლენტეხი-ლასდილი-უშგულის დამაკავშირებელი 12 კმ-იანი გზის სარეაბილიტაციო სამუშაოები უახლოეს მომავალში დაიწყება.
როგორც guardian.ge-ს ამირან ჯამბურიძემ განუცხადა, ამ ეტაპზე აღნიშნული მონაკვეთის სარეაბილიტაციო პროექტი სატენდეროდ არის გატანილი.
„ველოდებით გამარჯვებულის გამოვლენას, გამოვლენის შემდეგ კი სხვადასხვა პროცედურები ჩატარდება, შემდეგ კი ერთდროულად ორი მიმართულებით დაიწყება სამუშაოები. პროექტი ორ წელზეა გათვლილი და ჯამში 200 მლნ ლარი დაიხარჯება“ - აღნიშნა ჯამბურიძემ.
ლენტეხის მუნიციპალიტეტის გამგებლის ინფორმაციით, სარეაბილიტაციო სამუშაოები არ დაწყებულა, სამუშაოები, რომლებიც აქამდე მიმდინარეობდა მხოლოდ მოსამზადებელ ხასიათს ატარებდა, ასფალტის დაგებისთვის კი სხვა ტენდერის გამოცხადება იგეგმება.
Guardian.ge აღნიშნული პროექტის მიმდინარეობის შესახებ ინფორმაციის მისაღებად ლენტეხის მუნიციპალიტეტის გამგებელთან დაკავშირებამდე რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის თავმჯდომარეს ესაუბრა. გიორგი სეთურიძის ცნობით, ქუთაისი-ლენტეხი-მესტიის დამაკავშირებელი გზის გარკვეულ მონაკვეთებზე სარეაბილიტაციო სამუშაოები უკვე მიმდინარეობს, ზოგიერთი მონაკვეთისთვის კი საპროექტო სამუშაოები მზადდება.
„ამ ეტაპზე მიმდინარეობს ლენტეხი-უშგულის გზის რეაბილიტაცია. საუბარია უკვე არსებული გზის აღდგენაზე, რომელიც ლენტეხის მხრიდან მიმდინარეობს. ანუ ნაწილი უკვე კეთდება, ნაწილზე კი ეტაპობრივად საპროექტო სამუშაოები ხორციელდება. გზა გაივლის 36 სოფელს, მათ შორის, საყდარს, მარგვიშს, ლაშხეთის სოფლებს. ამ მონაკვეთის მშენებლობა იძლევა საშუალებას ცაგერი-ლენტეხის გავლით, უმოკლესი გზით მოხვდეს ადამიანი მესტიაში. აღნიშნული გზის აღდგენითი სამუშაოების ძირითადი ნაწილის დასრულება წელს იგეგმება, ხოლო გზის ექსპლუატაციაში შესვლა წელს ან მომავალ წელს. ეს არის საკმაოდ რთული, თუმცა, ძალიან მნიშვნელოვანი მონაკვეთი, ზოგ შემთხვევაში არაორდინალური გადაწყვეტილებების მიღება მოგვიწევს" - guardian.ge-სთან საუბრისას გიორგი სეთურიძემ და დაამატა, რომ ლენტეხი-უშგულის საავტომობილო გზის მონაკვეთის აღდგენითი სამუშაოები ცენტრალური ბიუჯეტიდან დაფინანსდება.
მისივე თქმით, რადგან გზის გარკვეული მონაკვეთების სარეაბილიტაციო სამუშაოებისთვის დაპროექტება ამ ეტაპზეც მიმდინარეობს, ჯერჯერობით ცნობილი არ არის, რა ოდენობის თანხა დაიხარჯება ჯამში ქუთაისი-ლენტეხი-მესტიის დამაკავშირებელი გზის აღდგენაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.