საქართველოს მოქალაქეები არ შეეგუებიან, ეს ადამიანები უდანაშაულოდ იყვნენ ციხეში, - განაცხადა „თავისუფალი დემოკრატების“ ლიდერმა ირაკლი ალასანიამ პროკურატურასთან ე.წ. კაბელების საქმეზე დაკავებულებთან დაკავშირებით კომენტირებისას. მთავარ პროკურატურასთან ამ წუთებში საპროტესტო აქცია მიმდინარეობს.

საქართველოს მოქალაქეები არ შეეგუებიან, ეს ადამიანები უდანაშაულოდ იყვნენ ციხეში, - განაცხადა „თავისუფალი დემოკრატების“ ლიდერმა ირაკლი ალასანიამ პროკურატურასთან ჟურნალისტებთან თემის კომენტირებისას. მთავარ პროკურატურასთან ამ წუთებში საპროტესტო აქცია მიმდინარეობს.

ალასანიას თქმით, დაგეგმილია აქციების ჯაჭვი, რომელიც საბოლოოდ 8 ოქტომბერს, „ქართული ოცნების“ დამარცხებით დასრულდება.

„დღევანდელი აქცია არის სოლიდარობის, მხარდაჭერის აქცია 5 უდანაშაულო ადამიანისა და მათი ოჯახის წევრების მიმართ. მათ ჩვენგან სჭირდებათ გამხნევება, სჭირდებათ იცოდნენ, რომ საქართველოს მოქალაქეები არ შეეგუებიან, ეს ადამიანები უდანაშაულოდ იყვნენ ციხეში. ვაპირებ დღეს აქ შეკრებილ საზოგადოებას მივმართო და ვისაუბრო, თუ რამ მიგვიყვანა ამ სიტუაციამდე, რომ ვაპროტესტებთ უსამართლობას ამ ქვეყანაში“, - განაცხადა ალასანიამ.

მისივე თქმით, ვერ წარმოედგინა, რომ 2012 წლის ცვლილებების შემდეგ კვლავ უსამართლობაზე მოუწევდა საუბარი.

”თავისუფალი დემოკრატები” ხელმოწერების შეგროვებას იწყებენ და პრეზიდენტს პეტიციით მიმართავენ, ე.წ. კაბელების საქმეზე დაკავებულები შეიწყალოს, - აღნიშნული განცხადება კი ირაკლი ალასანიამ პროკურატურასთან მიმდინარე აქციაზე სიტყვით გამოსვლისას გააკეთა. 

„დღეს ვისაუბრებ ასევე იმაზე, თუ როგორ უნდა გამოვიდეთ ამ სიტუაციიდან. ვაპირებთ ბრძოლას, რომ ეს ხალხი დავიხსნათ ტყვეობიდან. მათი შეწყალება სწორი კითხვა არ არის. მათ შესაწყალებელი არაფერი აქვთ. ისინი უდანაშაულოები არიან. ეს ხალხი ტყვეობიდან უნდა დავიხსნათ“, - აღნიშნა ალასანიამ.