შუალედური არჩევნების პირველადი შედეგები უკვე ცნობილია. წინასწარი მონაცემები ცენტრალურმა საარჩევნო კომისიამ გვიან ღამით გაავრცელა. დილის 4 საათის მონაცემებით, მხოლოდ ორ საარჩევნო ოლქში ლიდერობს "ნაციონალური მოძრაობის" კანდიდატი, დანარჩენში კი "ქართული ოცნება".

შუალედური არჩევნები 45 საარჩევნო უბანზე გაიმართა. ამომრჩეველთა ყველაზე მაღლი აქტივობა ზუგდიდში გამოვლინდა, ყველაზე დაბალი კი გარდაბანში. საერთო ჯამში აქტივობამ, წინასწარი მონაცემებით, 14,77 % შეადგინა.

წინასწარი მონაცემებით ხმები ასე გადანაწილდა:

გლდანში მაჟორიტარულ ოლქში 80,69%-ით "ქართული ოცნების" კანდიდატი ლიდერობს.

გარდაბნის ორივე მაჟორიტარულ ოლქში ასევე ლიდერობენ "ქართული ოცნების" კანდიდატები ფარხადინ შარიფოვი 67,89%-ით და ვუგარ მამედოვი 98,5%-ით.

კასპში 65,88% აქვს "ქართული ოცნების" კანდიდატს ალექსანდრე მერაბაშვილს, მეორე ადგილზეა "ნაციონალური მოძრაობა" - ციცინო აბუაშვილი 26,98%-ით.

წყალტუბოს მაჟორიტარულ ოლქში - "ქართულო ოცნება" - მურად ზაქარიაძე - 64,31% ლიდერობს , "ნაციონალური მოძრაობა" - 30,89%, თავისუფალი დემოკრატები - 4,8%

ოზურგეთის ერთ ოლქში ლიდერობს "ქართული ოცნების"კანდიდატი ვასილ ჩიგოგიძე 64,56 %-ით, მეორე ოლქში კი ლიდერობს "ერთიანი ნაციონალური მოძრაობის" კანდიდატი ბესიკ ქათამაძე 59,6 %-ით, 40,4 % აქვს 'ქართული ოცნების" კანდიდატ ნონა ტუნაძეს.

ხობის მაჟორიტარულ ოლქში წარდგენილი იყო მხოლოდ "ქართული ოცნების" კანდიდატი კობა კაკულია, რომელმაც ხმათა 100%მიიღო.

ზუგდიდის მაჟორიტარულ ოლქში ლიდერობს "ერთიანი ნაციონალური მოძრაობის" კანდიდატი ვარადებული ლაშხია 49,76 %-ით, მეორე ადგილს კი "ქართული ოცნების" კანდიდატი, ამირან ლაგვილავა 48,96 %-ით იკავებს.