პარლამენტის თავმჯდომარე დავით უსუფაშვილი გამოდის ინიციატივით, ”ზონდერობის” წინააღმდეგ საბრძოლველი ქმედითი ინსტრუმენტი შეიქმნას. ეს განცხადება უსუფაშვილმა ბიუროს სხდომის დაწყებისას განაცხადა, სადაც ის გუშინ გამართულ არჩევნებს გამოეხმაურა.
”მინდა მივმართო ყველა პოლიტიკური ფრაქციის წარმომადგენელს, ვინც მზად არის ერთად უკომპრომისოდ შევებრძოლოთ ”ზონდერობას”, უახლოეს ხანებში ვიფიქროთ და შევქმნათ ქმედითი მექანიზმი, რომ საქართველოს პარლამენტმა გადამწყვეტი სიტყვა თქვას ასეთ მოვლენებში.
მე არ ვსაუბრობ მექანიზმზე, რომელიც შესაძლოა აღმოჩნდეს გაგრძელება ამა თუ იმ დებატების, ამისთვის ტრიბუნა არსებობს, სადაც ადამიანებს შეუძლიათ საკუთარი ინტერესები დაიცვან, მე ვსაუბრობ ადამიანებზე, რომლებიც მზად იქნებიან პირველ რიგში საკუთარ პოლიტიკურ მხარდამჭერებს მიუთითონ თუკი მსგავსი პრობლემა იქნება წარმოჩენილი”, - აღნიშნა დავით უსუფაშვილმა და თავისი პარტიის წევრებს და კოლეგა დეპუტატებს მიმართა.
”როგორც ”რესპუბლიკური პარტიის” წევრი და წარმომადგენელი პირველ რიგში მივმართავ რესპუბლიკელებს, თუ მსგავსი წინადადების ან ინიციატივის სახით იქნება სადმე დანახული, პირველი მე ვიქნები, ვინც ამას დაგმობს და არ დაუშვებს. მივმართავ იმ კოლეგებს, ვინც ამისთვის მზად არიან, საკუთარ პოლიტიკურ გუნდებში გაატარონ ასეთი უკომპრომისო პოზიცია. ვინ არის მზად და ვინ არა, ვლინდება საუბრისას”, - განმარტა პარლამენტის თავმჯდომარემ.
დავით უსუფაშვილმა უახლოეს დღეებში ფრაქციების წარმომადგენლებს კონსულტაციების დაწყება შესთავაზა.
”მე, რამდენიმე დღეში ვარ მზად ყველასთან კონსულტაციებისთვის. არ მინდა პარლამენტის საქმიანობა საარჩევნო პერიოდში იყოს ზედმეტად გადატვირთული მსგავსი თემებით, ამიტომ ამას ნუ გავაკეთებთ პარლამენტის ბიუროზე ხანგრძლივი მსჯელობის საგნად, მაგრამ ჩვენ გვაქვს საკმარისი დრო, რომ მსგავს საკითხებს დავუმოთ საკმარისი ყურადღება და ადგილი. გთავაზობთ ყველა ფრაქციის წარმომადგენელს, დამიკავშირდით ყველა, ვინც ამ სულისკვეთებას იზიარებთ. ეს უნდა აღვკვეთოთ, სხვანაირად ქვეყანას ძალიან მძიმე დღეში ჩავაყენებთ. არ აქვს მნიშვნელობა თავად პოლიტიკურ ძალას თუ ძალებს რა ელოდებათთ არჩევნებზე, დარწმუნებული ვარ, საქართველოს მოსახლეობა კარგად ერკვევა ასეთ საკითხებში, ყოველ შემთხვევაში მტყუან-მართალის გარჩევა არ გაჭირდება”, - მიმართა უსუფაშვილმა დეპუტატებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.