„დარწმუნებული ვარ, სტატისტიკურად ნებისმიერი საშუალო ჭორვილელი გლეხი ბევრად უფრო განვითარებულია, ვიდრე ეს კაცი. ამ კაცს ერთი ნიჭი აქვს განვითარებული მხოლოდ - პათოლოგიური მატყუარაა,“ აღნიშნული განცხადება ოდესის გუბერნატორმა მიხეილ სააკაშვილმა გადაცემა „არჩევანში“ უკრაინიდან ჩართვისას გააკეთა.

ჟურნალისტის შეკითხვაზე, ბიძინა ივანიშვილმა განაცხადა, რომ ტექნოლოგიური უნივერსიტეტის შექმნის იდეა არა თქვენ, არამედ მას ეკუთვნოდა და თქვენ ეს იდეა მიითვისეთ მისგან, - სააკაშვილმა ასე უპასუხა:

„ვერც განათლებას იყიდი, ვერც ინტელექტს. დარწმუნებული ვარ, სტატისტიკურად ნებისმიერი საშუალო ჭორვილელი გლეხი ბევრად უფრო განვითარებულია, ვიდრე ეს კაცი. ამ კაცს ერთი ნიჭი აქვს განვითარებული მხოლოდ - პათოლოგიური მატყუარაა, ცრუპენტელაა უბრალოდ. ამასწინათ ისე აუღელვებლად ჰყვებოდა, რომ მე მას ვთავაზობდი თურმე ბოტანიკური ბაღის მითვისებას, გეგონება მე რამე მიმითვისებია ცხოვრებაში. თუ რამის მითვისება იქნებოდა, ვინმეს მითვისებას თუ ვუშვებდი, მე მივითვისებდი, რაღა მაგას შევთავაზებდი. თურმე ვეხვეწებოდი, მიითვისე ბათუმის და თბილისის ბოტანიკური ბაღი. ამას ისე წარბშეუხრელად ყვება, რომ მართლა შეიძლება, მე რომ არ ვიყო მე, შეიძლება დავეჭვებულიყავი. პროექტი, რიმელიც მას შევთავაზე ძაან დაყვავებით და მტკიცედ, იყო ტექნოლოგიური უნივერსიტეტი, ცივი უარი მითხრა. ამის შემდეგ ვიპოვეთ ამერიკელების 140 მილიონი დოლარი, თუ არ ვცდები და ჰილარი კლინტონთან ბევრი მოლაპარაკების შემდეგ, ჩემ მეგობართან და ამერიკის პრეზიდენტობის კანდიდატთან ახლა, ავაშენეთ ეს შენობა, რომელიც დაგვიჯდა 100 მილიონზე მეტი და ამათ გაყიდეს 25 მილიონად და გაყიდეს ბინებად და ჩააფლავეს პროცესი. ფული გვქონდა და 2013 წლის აგვისტოში, სექტემბრის დასაწყისში ამ უნივერსიტეტს უნდა მიეღო პირველი სტუდენტები, გვყავდა უკვე პარტნიორები, გვყავდა მასწავლებლები, გვქონდა აკრედიტაციაზე შეთანხმება, გვქონდა ფული, ეს იყო მართლაც გარღვევა საქართველოსთვის. ის რომ, ის მუდმივად ყვება, ეხლა ავაშენებ, იქნება, მართლა დებილები ხომ არ ვგონივართ, რამდენი უნდა იძახოს რომ რაღაცა იქნება, საოცარ მეოთხე წელიწადს, მისი დაპირების, რაღაცა იქნება 7 წლის შემდეგ, დააკვირდით როდინდელზე გვეუბნება, მე მგონი ქართველი ხალხი არის ძალიან ბრძენი, მე მგონი კი არა არის ბრძენი და ისინი მე მგონი ვერ ხვდებიან საერთოდ სად ოპერირებენ.ხალხი ელოდა მათგან სულ სხვა რაღაცას და მიიღეს სრულიად საწინააღმდეგო და აგრძელებს ისევ იგივეს, ახალი არაფერი არ არის - ტყუილები, ამჯერად შეზავებული ძალადობასთან. მე ვფიქრობ, რომ როცა ჩვენ გავიმარჯვებთ არჩევნებზე, დავუბრუნდებით ბათუმის ტექნოლოგიური უნივერსიტეტის იდეას,“ განაცხადა მიხეილ სააკაშვილმა.