ევროპარლამენტის პრეზიდენტი მარტინ შულცი არ გამორიცხავს, რომ მიმდინარე წლის ოქტომბრიდან თურქეთთან უვიზო რეჟიმი არ ამოქმედდება. ამის შესახებ შულცმა გერმანულ გამოცემა Welt am Sonntag-ისთვის მიცემულ ინტერვიუში განაცხადა.
მისი თქმით, ბრიუსელი ელოდება, რომ ვიზალიბერალიზაციის დაწესებამდე ანკარა წარმატებით გაატარებს რეფორმებს პირად მონაცემთა დაცვისა და ტერორიზმთან ბრძოლის საკითხებში.
„თურქეთის პარლამენტში დისკუსიები შესაბამის კანონებში ცვლილებების შეტანის შესახებ დაუყოვნებლივ უნდა დაიწყოს. თუ ეს არ მოხდა, ევროპული ინსტიტუტები დაწესებული ვადების ამოქმედებას ვეღარ შეძლებენ. ვერ წარმომიდგენია, ასეთ შემთხვევაში როგორ შევძლებთ ოქტომბერში უვიზო რეჟიმის დაწესებას“, - განაცხადა შულცმა.
ევროკავშირის ერთ-ერთი მთავარი მოთხოვნაა, ანკარამ, უვიზო რეჟიმის მისაღებად ანტიტერორისტული კანონმდებლობა შეცვალოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.