თბილისში, ისნის რაიონში ერთ–ერთ სასტუმროსთან ახალგაზრდა ქალი დაჭრეს. "ახალი სასტუმროს" თანამშრომელი ქალბატონი სავარაუდოდ, მისმა მეუღლემ ცეცხლსასროლი იარაღით დაჭრა. როგორც თვითმხილველები ყვებიან, ინციდენტს წინ კამათი და ჩხუბი არ ახლდა, მამაკაცი სასტუმროში მივიდა, ქალბატონი შენობის გარეთ გაიყვანა და რამდენჯერმე ესროლა. ამის შესახებ "რუსთავი 2" იუწყება.
დაშავებული სასწრაფო დახმარებამ უკვე გადაიყვანა საავადმყოფოში და "კურიერის" ინფორმაციით მისი მდგომარეობა მძიმეა.
სასტუმროს შესასვლელთან დამონტაჟებულია სათვალთვალო კამერა, სამართალდამცველებმა სავარაუდოდ უკვე ამოიღეს ჩანაწერი, თუმცა დამნაშავე ამ დრომდე დაკავებული არ არის.
შსს-ს ინფორმაციით, საქმე აღძრულია განზრახ მკვლელობის მცდელობის მუხლით, რაც 7-დან 15 წლამდე პატიმრობას ითვალისწინებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.