პარლამენტის იურიდიულ საკითხთა კომიტეტის სხდომაზე ”საარჩევნო კოდექსში” დაგეგმილი ცვლილებების განხილვა ცხარე კამათის ფონზე მიმდინარეობს.
არასაპარლამენტო ოპოზიციის წარმომადგნელები ცვლილებების იმ ნაწილს აპროტესტებენ, რომელიც საარჩევნოდ უფასო სარეკლამო დროის გამოყოფას ეხება. ვახტანგ ხმალაძის მიერ წარდგენილი ცვლილებებით უფასო სარეკლამო დრო ყველა იმ კვალიფიციურ სუბიექტებზე უნდა გადანაწილდეს, რომელიც ბიუჯეტიდან დაფინანსებას იღებენ. აღნიშნული ინიციატივის მიხედვით კი, თუკი სადღეისოდ უფასო სარეკლამო დრო 5 კვალიფიციურ სუბიექტზე ნაწილდება, ცვლილებების მიღების შემთხვევაში, 11 პარტიაზე გადანაწილდება.
როგორც გიორგი ახვლედიანმა საკომიტეტო განხილვისას აღნიშნა, შეიძლება შემუშავდეს სარეკლამო დროის ახალი მექანიზმი, რაც 2016 წლის საპარლამენტო არჩევნების შემდეგ შეიძლება ამოქმედდეს.
აღნიშნულ საკითხს საკომიტეტო სხდომაზე ცხარე კამათი მოჰყვა, რომელიც შემდგომ პარლამენტის დერეფანში გაგრძელდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.