„მნიშვნელოვანია, რომ საქართველო გახდეს ევროატლანტიკური საზოგადოების წევრი რაც შეიძლება მალე“, - აღნიშნული განცხადება „რუსთავი-2“-თან საუბრისას აშშ-ს მაკკეინის ინსტიტუტის დირექტორმა ადამიანის უფლებებისა და დემოკრატიის საკითხებში, დევიდ კრამერმა გააკეთა.

„საქართველომ დააკმაყოფილა ყველა კრიტერიუმი და ის მზად არის უვიზო მიმოსვლისთვის. ჩემი აზრით, შეცდომა იქნება თუ ამერიკელები და ევროპელები დაასკვნიან, რომ საქართველოს სხვა გზა არ აქვს გარდა იმისა, რომ დაელოდოს დასავლეთს. ამ ქვეყნის რეალობა არის ის, რომ გეოგრაფიულად რუსეთის გვერდით მდებარეობს. თუ ქართველები ვერ დაინახავენ მცდელობებსა და შედეგებს დასავლეთთან ინტეგრაციის პროცესში, მაშინ მათ შეიძლება გადაწყვიტონ, რომ სურთ მიიღონ უფრო მეტი რუსეთთან კარგი ურთიერთობით. ჩვენ საქართველოს მცდელობებს შედეგებით უნდა ვუპასუხოთ. ეს უნდა გაკეთდეს ძალიან სწრაფად ნატო-ს თუ ევროკავშირის შემთხვევაში“ - აცხადებს კრამერი.