გაერო-ს გენერალური მდივანი თელ-ავივში მომხდარ ტერორისტულ აქტს გმობს. ბან კი მუნი სამძიმარს უცხადებს გარდაცვლილების ოჯახებსა და ისრაელის მთავრობას.
გაერო-ს გენერალური მდივანი კიდევ ერთხელ ხაზს უსვამს, რომ არანაირი გამართლება არ შეიძლება მოეძებნოს ტერორიზმსა და იმ ადამიანებისთვის ქება-დიდების შესხმას, რომლებიც მსგავს საშინელ ქმედებებს ჩადიან.
ბან კი მუნი შოკირებულია იმით, რომ "ჰამასის" ლიდერები აღნიშნულ თავდასხმას მიესალმნენ და ზოგიერთმა მათგანმა კი იზეიმა კიდევაც.
ბან კი მუნის აღნიშნულ განცხადებას გაერო-ს ოფიციალური ვებ-გვერდი ავრცელებს.
ორმა შეიარაღებულმა პალესტინელმა ცენტრალურ თელ–ავივში პოპულარული ღია მაღაზიების მიმდებარედ 4 ადამიანი მოკლა და 6 სხვა დაჭრა.
სარონას მარკეტთან, რომელიც ისრაელის თავდაცვის სამინისტროსა და არმიის მთავარი შტაბ–ბინის სიახლოვეს მდებარეობს, თავდასხმას ორ ადგილას ჰქონდა ადგილი.
პოლიციის განცხადებით, შეიარაღებული პირები დასავლეთ სანაპიროსთან ახლოს მდებარე ქალაქ ჰებრონის სოფელ იატადან იყვნენ. ორივე მათგანი დაპატიმრებულია. (ფოტოზე, რომელსაც "როიტერსი" ავრცელებს, ერთ–ერთი თავდამსხმელის დაკავებაა აღბეჭდილი)
გასული წლის შემდეგ, პალესტინელების მხრიდან ისრაელის მოქალაქეებზე თავდასხმების რიცხვმა იმატა. გაზრდლია სროლების, დანით მიყენებულ ჭრილობების რიცხვი, თუმცა, ბოლო თვეებში შემთხვევებმა იკლო.
პრემიერ მინისტრმა ბენიამინ ნეთანიაჰუმ, რომელიც ოთხშაბათს გვიან, შემთხვევის ადგილას მივიდა, მომხდარს "ბარბაროსული მკვლელობა და ტერორიზმი" უწოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.