დედაქალაქის მერის, დავით ნარმანიას განცხადებით,  ტელეკომპანია „რუსთავი 2“-ის საქმესთან დაკავშირებით პროცესები სამართლებრივ ჩარჩოებში მიმდინარეობდა.

ასე ეხმაურება დედაქალაქის მერი „რუსთავი 2“-ის საქმესთან დაკავშირებით, სააპელაციო სასამართლოს მიერ მიღებულ გადაწყვეტილებას.

„ზუსტი პასუხი ამ საკითხთან დაკავშირებით არ მაქვს, თუმცა, აქამდე მე რასაც ვუყურებდი თავისუფლად შემიძლია ვთქვა, რომ სამართლებრივ ჩარჩოებში მიმდინარეობდა პროცესები და ის სამართლებრივი ჩარჩოებიდან არასდროს გამოსულა“, – განაცხადა დავით ნარმანიამ.

თბილისის სააპელაციო სასამართლომ “რუსთავი-2”-ის საქმეზე პირველი ინსტანციის გადაწყვეტილება ძალაში დატოვა, რომლის მიხედვითაც „რუსთავი 2“-ის წილის 60% – ქიბარ ხალვაშს, 40% კი – კომპანია „პანორამას“ უნდა გადაეცეს.