„მომავალ საპარლამენტო არჩევნებში ჩვენ გაცილებით მეტ ხმას მივიღებთ, ვიდრე „რესპუბლიკელები“, - აღნიშნული განცხადება guardian.ge-სთან საუბრისას დეპუტატმა, თამაზ მეჭიაურმა ლევან ბერძენიშვილის იმ განცხადების საპასუხოდ გააკეთა, რომლის მიხედვითაც თუ მეჭიაურის პოლიტიკური გაერთიანება არჩევნებზე აიღებს "1%-ზე მეტს, ე.ი ამ პარტიის შექმნას ექნება აზრი“.

„არასერიოზულია ლევან ბერძენიშვილის განცხადება. ბერძენიშვილი თავად მიეჩვია ამ ფარგლებში ხმების მიღებას და ვერ წარმოუდგენია სხვამ როგორ უნდა მიიღოს მეტი. თუ სწორად ჩავატარებთ საარჩევნო კამპანიას, ჩვენ გვეყოლება ისეთი გუნდი პარლამენტში, რომლის გარეშეც მნიშვნელოვან გადაწყვეტილებას ვერავინ ვერ მიიღებს“, - განუცხადა guardian.ge-ს თამაზ მეჭიაურმა.

„მე ვფიქრობ, ბატონ მეჭიაურს დასჭირდება არჩევნებზე გასვლა იმისთვის, რომ გაიგოს რა ღირს პოლიტიკური ფიგურა. თუ ის აიღებს 1%-ზე მეტს, ე.ი ამ პარტიის შექმნას ექნება აზრი“, - ასე გამოეხმაურა „რესპუბლიკელი“, ლევან ბერძენიშვილი მეჭიაურის მიერ საინიციატივო ჯგუფის წარდგენას.