სამაუწყებლო კომპანია "რუსთავი 2" –ის გენერალური დირექტორი ნიკა გვარამია ქიბარ ხალვაშის მხრიდან გაკეთებულ შემოთავაზებას ეხმაურება. როგორც მან საგანგებო ბრიფინგზე ცოტა ხნის წინათ განაცხადა, მისი დამოკიდებულება ხალვაშის მიმართ "არასდროს არ შეიცვლება" და მასთან თანამშრომლობა სრულიად გამორიცხულია.
"შემოთავაზებებს, რომელიც ჩემს მიმართ ისმის ბოლო დღეები, მათ შორის ქიბარ ხალვაშიდან, რომ მე თუ რიტორიკას გამოვასწორებ, იგი თანახმაა ასევ ვთქვათ, ჩემთან თანამშრომლობაზე, პირდაპირ ვპასუხობ მას. მე ვარ ისეთი, როგორიც ვარ, ჩემი დამოკიდებულება მის მიმართ არასდროს არ შეიცვლება, ის არის მანქურთი და ცენზორი ბიძინა ივანიშვილის, მე მასთან თანამშრომლობას არ ვაპირებ, შეუძლია ამაზე არც იფიქროს. მას არ მოუწევს არავისთან თანამშრომლობა ამ შენობაში, ის ვერასდროს "რუსთავი 2"–ის შენობაში ფეხს ვერ შემოადგამს და ის ვერასდროს ვერ იქნება "რუსთავი 2" –ის კანონიერი მფლობელი. "რუსთავი 2" არის იმის, ვისიც არის კანონიერად და ეს არ არის ქიბარ ხალვაში. ჩვენ, კიდევე ერთხელ ვიმეორებ, ვაგრძელებთ საქმიანობას ჩვეულ რიტმში, ჩვეულ ტემპში და ჩვეული შინაარსით ანუ ისე, როგორც ამას ჩვენ "რუსთავი2" –ელები ვთვლით საჭიროდ და საშურად სიტყვის თავისუფლებისთვის, ჩვენი მაყურებლისთვის და ამ ქვეყანაში დემოკრატიის განვითარებისთვის," განაცხადა ნიკა გვარამიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.