ლუქსემბურგში ევროკავშირის იუსტიციისა და შინაგან საქმეთა მინისტრების შეხვედრის შემდეგ გამართულ პრეს–კონფერენციაზე მიგრაციის, საშინაო საქმეთა და მოქალაქეობის საკითხებში ევროკომისარმა დიმიტრის ავრამოპულოსმა ევროკომისიის მოსაზრება გაახმოვანა, რომლის მიხედვითაც საქართველომ ვიზალიბერალიზაციისთვის საჭირო ყველა პირობა შეასრულა.
„ჩვენ გავცვალეთ მოსაზრებები ვიზა ლიბერალიზაციის დაწესების საკითხზე. კომისიამ ძალიან მკაფიო პოზიცია დაიკავა თავის რეკომენდაციებში. ვიმედოვნებ, რომ ევროკავშირის საბჭოსა და ევროპარლამენტში ამ საკითხზე პროგრესი მალე იქნება“, - განაცხადა ავრამოპულოსმა.
ევროკავშირის შინაგან საქმეთა და იუსტიციის მინისტრები ლუქსემბურგში გამართულ შეხვედრაზე საქართველოსთვის ვიზალიბერალიზაციის დაწესებაზე ვერ შეთანხმდნენ.
სხდომაზე ევროკავშირის თავმჯდომარე ქვეყნის, ნიდერლანდების მიგრაციის მინისტრმა კლაას დიკჰოფმა განაცხადა, რომ ევროკავშირი აღიარებს საქართველოს პროგრესს ვიზა ლიბერალიზაციის დაწესების გზაზე, თუმცა ხაზს უსვამს ე.წ. შეჩერების მექანიზმის შემოღების მნიშვნელობას, რომელიც საშუალებას მისცემს ევროკავშირის წევრ ქვეყნებს, საჭიროების შემთხვევაში ამა თუ იმ ქვეყანას უვიზო რეჟიმი გამარტივებული პროცედურით შეუჩეროს.
კლაას დიკჰოფის განცხადებით, საქართველოსთვის ვიზა ლიბერალიზაციის საკითხზე 20 ივნისს, ევროკავშირის საგარეო საქმეთა მინისტრები იმსჯელებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.