“ცაგერის მუნიციპალიტეტში ორი მსხვილი ინფრასტრუქტურული პროექტის განხორციელება მიმდინარეობს. მუნიციპალიტეტს, უახლოეს პერიოდში, ახალი სპორტკომპლექსი და საბავშვო ბაღი ექნება“ - აღნიშნული განცხადება guardian.ge-სთან საუბარში ცაგერის მუნიციპალიტეტის გამგებელმა, რევაზ ბენიძემ გააკეთა.
„ადმინისტრაციულ ცენტრში ახალი სპორტკომპლექსი შენდება. ვვარაუდობთ, რომ პროექტი მიმდინარე წლის დეკემბერში დასრულდება. ჯამში სპორტკომპლექსზე, რეგიონული განვითარების ფონდი 2 მლნ 800 000 ლარს დახარჯავს.
მეორე პროექტი, რომელიც ამჟამად ხორციელდება ეს არის ბაგა-ბაღის მშენებლობა. ქვედა ცაგერში აქტიური სამუშაოები მიმდინარეობს. შენობა, ფაქტობრივად, უკვე აშენებულია და ივლისში ჩაბარდება. პროექტს რეგიონული განვითარების ფონდი აფინანსებს, ჯამში, 500 000 ლარი დაიხარჯება“ - აღნიშნა ცაგერის მუნიციპალიტეტის გამგებელმა.
როგორც რევაზ ბენიძემ guardian.ge-ს განუცხადა, მუნიციპალიტეტი კიდევ ერთი მნიშვნელოვანი პროექის განსახორციელებლად ემზადება. ბენიძის თქმით, მუნიციპალიტეტს წლის ბოლომდე აღდგენილი „მწვანე თეატრი“ ექნება.
„მნიშვნელოვანი სიახლე გვაქვს - ველოდებით განკარგულებას „მწვანე თეატრის“ რეაბილიტაციის შესახებ. ჯერ კიდევ საბჭოთა კავშირის პერიოდში ეს იყო ცნობილი კულტურის ობიექტი, ცაგერის სახე იყო, შესაბამისად, ჩვენ გვინდა აღდგეს და ფუნქციონირება განაგრძოს.
პროექტი უკვე მოვამზადეთ, თანხასაც ველოდებით რეგიონული განვითარების ფონდიდან. წერილიც გაგზავნილია, რომელსაც განიხილავს სპეციალური კომისია ინფრასტრუქტურის სამინისტროში. შემდეგ ეს საკითხი გავა მთავრობის სხდომაზე, მისი დადებითად გადაწყვეტის შემთხვევაში, თვის ბოლოსთვის ობიექტის ტენდერზე გატანის შესაძლებლობაც იქნება.
თუ დამტკიცდა ჩვენი პროექტი, აგვისტოს ბოლოს დავიწყებთ ამ ობიექტის რეაბილიტაციას. არა მგონია, რომ სამ თვეზე მეტი დაგვჭირდეს. ძირითადი შენობა შენარჩუნებულია, სჭირდება იერსახის შეცვლა და დამატებითი ინფრასტრუქტურული სამუშაოების ჩატარება“- აღნიშნა რევაზ ბენიძემ და დაამატა, რომ აღნიშნული ინფრასტრუქტურული ღონისძიებებისთვის 500 000 ლარი დაიხარჯება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.