მნიშვნელოვანია, რომ ჩვენ ჩავაბაროთ გამოცდა და ნათლად ვაჩვენოთ ყველას, რომ საქართველოში მიმდინარე პროცესები არ არის დაკავშირებული პოლიტიკურ დევნასთან.
ამის შესახებ საქართველოს პრეზიდენტმა, გიორგი მარგველაშვილმა ჟურნალისტებს განუცხადა.
პრეზიდენტმა უპასუხა კითხვებს იმის შესახებ, თუ მიხეილ სააკაშვილზე ძებნა წითელი ცირკულარით გამოცხადდება, რამდენად არის შესაძლებელი, ამერიკის შეერთებულმა შტატებმა გადმოსცეს საქართველოს ყოფილი პრეზიდენტი და ხომ არ აისახება უარყოფითად ეს საკითხი ორ ქვეყანას შორის ურთიერთობაზე.
"დარწმუნებული ვარ, რომ იმ ძალიან ინტენსიურ დიალოგში, რომელიც ამ საკითხთან დაკავშირებით დაიწყო ამერიკის შეერთებულ შტატებთან, ევროპის ქვეყნებთან, უმნიშვნელოვანესია, ჩვენ ყველამ ჩავაბაროთ გამოცდა, ნათლად ვაჩვენოთ, რომ საქართველოში მიმდინარე პროცესები არ არის დაკავშირებული პოლიტიკურ დევნასთან. ამ თვალსაზრისით მნიშვნელოვანია, არა მხოლოდ პროკურატურის პოზიცია, არამედ მნიშვნელოვანია, ყველა ჩვენი მოქალაქის, სახელმწიფო მოხელის პოზიცია, რომ არაფრის დიდებით საქართველოში არ განხორციელდეს არანაირი პოლიტიკური დევნა. ამასთან დაკავშირებით მე ვიქნები ჩართული ამ პროცესებში, მუდმივად შევეცდები, ამ საკითხებთან დაკავშირებით გავაკეთო ის, რომ საქართველოს დემოკრატიულობას არასდროს მიადგეს ჩრდილი", - განაცხადა საქართველოს პრეზიდენტმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.